türkiye-ezerbeyjan birleshme axbarat munbirige türk kéngishige eza barliq döletlerteklip qilindi

türkiye awazi radiyosi xewiri: faxrettin altun jumhur reislik uchur – alaqe idarisining sahipxanliqidiki türk kéngishi axbarat munbiri dairiside tünügün istanbulda ötküzülgen tunji uchrishishta, muxbirlargha bayanat élan qilip, türkiye-ezerbeyjan birleshme axbarat munbiri heqqide toxtaldi.

faxrettin altun ezerbeyjanning muawin prézidénti hikmet hajiyéw bilen qurulghan xizmet guruppisining yighinigha özlirining riyasetchilik qilghanliqini bildürüp, munberde téz yolgha qoyghili bolidighan layaqetlik layihelerni muzakire qilghanliqini, hemde 6 sahede xizmet komitéti qurulghanliqini éytti.

faxrettin altun munberning mewjutluqini dawamlashturishi we sistémilishish jehettin muhim bolghan qanun chiqirish we bashqurush komitéti qurulghanliqini tekitlep, ««eger biz bu méxanizimni toghra sistémilashtursaq, ishinimizki, türk kéngishige eza barliq döletler we ottura asiyadiki türkiy jumhuriyetler bu ortaq munberge töhpe qoshalaydu. hajiyéw ependi we biz bashtin-axir shuni éniq ipadilep kéliwatimizki, bu türkiye - ezerbeyjan otturisidiki  birleshme axbarat munbiri, emma biz türk kéngishige eza barliq döletlerni bu munberge teklip qiliwatimiz.  bu birliktin barliqqa kélidighan küchning qandaq bolidighanliqini qarabagh ghelbisi jeryanida hemmige körsettuq » dédi.

faxrettin altun: «eger biz birlik we barawerlik ichide bolidighan bolsaq, türk dunyasi bolush süpitimiz bilen bizge qarshi élip bériliwatqan tetür teshwiqatlargha  qarshi turalaymiz. dunya jamaet pikiri we özimizning jamaet pikirini toghra shekillendüreleymiz. bu arqiliq türk dunyasi we döletlirimizge qarshi sistémiliq heriket qiliwatqan aktiyorlargha qarshi heqiqiy küresh qilghili bolidu» dégennimu sözlirige ilawe qildi.