qirghizistan pirézidénti sadir japparow türkiyeni ziyaret qilidu
qirghizistan pirézidénti sadir japparowning 9-11-iyun künliri türkiyede resmiy ziyarette bolidighanliqi élan qilindi.
türkiye awazi radiyosi xewiri: qirghizistan pirézidéntliq mehkimisi tashqi siyaset idarisining bashliqi dastan düshekeyéw pirézidént sadir japparowning resmiy ziyaret dairiside, türkiye jumhur reisi rejep tayyip erdoghan bilen körüshidighanliqini bildürdi.
u düshekeyéw ikki rehberning türk tillirida sözlishidighan döletler hemkarliq kéngishi (türk kéngishi) ramkisida, ikki we köp tereplik hemkarliqlardin bashqa, nöwettiki weziyet toghrisidimu özara pikir almashturidighanliqini éytti.
u ikki dölet rehberlirining qatnishishi astida qirghizistan-türkiye istratégiyelik hemkarliqi aliy kéngishining 5-qétimliq yighinining ötküzülidighanliqini, japparowning türkiye büyük millet mejlisi (parlaménti) ning bashliqi mustafa shentop bilen körüshidighanliqini eskertti.
u yene, japparowning qirghizistan-türkiye soda-sanaetchiler munbiride, soda-sanaetchilerge xitab qilidighanliqini we türkiyediki qirghizistanliqlar, oqughuchilar we paytext enqerede paaliyet qilwatqan ijtimaiy teshkilatlarning wekilliri bilen körüshidighanliqini qeyt qildi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.