bulghariyede döletning bash muftiliqigha doktor mustapa alish haji saylandi
bulghariye musulmanlar diniy ishlar bash muftiliqining paytext sofiyede ötküzülgen yighinda, yéngi ijraiye komitéti ezaliri we nizamnamidiki özgirishler belgilendi.
türkiye awazi radiyosi xewiri: döletlik medeniyet sariyida ötküzülgen yighinda bélet tashlash paaliyiti ötküzülüp, bash mupti doktor mustapa alish haji üchinchi qétim döletning bash muptiliqigha saylandi.
doktor mustapa alish haji 6 milyon 900 ming nopusluq bulghariyediki texminen 1 milyon musulmangha wekaleten yighingha qatnashqan 1305 wekildin awaz bérish hoquqigha ige 1039 wekilning awazigha ériship, qaytidin bash mufti bolup saylandi.
yighinda yene, musulmanlar diniy kéngishining aliy diniy shorasigha qatnishidighan 23 eza békitildi.
bash mupti doktor mustapa alish haji yighindiki programma nutuqida yéqinqi 5 yildin buyan qilghan xizmetlirini tonushturdi hemde yéngi wezipe ötesh mudditige dair nishanlirini otturigha qoydi.
bulghariyediki imamlarning kirimini ashurush üchün teshebbuskarliq bilen xizmet qilidighanliqini tilgha alghan bash mufti, musulmanlarning diniy we pédagogika maaripigha alahide ehmiyet béridighanliqini tekitlidi.
yighingha türkiyening sofiyede turushluq bash elchisi eylin sekizkök, ezalirining köpinchisi türklerdin teshkil tapqan heq - hoquq we erkinlik herikitining reisi mustafa qaradayi shundaqla bashqa partiye mesullirimu qatnashti.
