tataristandiki bir mektep qoralliq hujumgha uchridi

türkiye awazi radiyosi xewiri: tataristan jumhuriyitining paytexti qazandiki bir mektepte qoralliq hujum qilish weqesi yüz bérip, toqquz adem hayatidin ayrildi, kem dégende 10 adem yarilandi.

yerlik emeldarlarning deslepki bayanatigha asaslanghanda, namelum ikki kishi fayzi kochisidiki 175- nomurluq mektepke qoralliq hujum qilghan. hujumchilarni körgen we miltiq awazini anglighan oqughuchilar arisida jiddiychilik peyda bolghan, bezi oqughuchilar dérizidin sekrep qéchishqa urunghan.

xewerlerge qarighanda, weqe yüz bergen jaygha bixeterlik qisimliri ewetilgen. dairiler, hujum qilghuchilarning birining 17 yashta ikenlikini we uning bixeterlik qisimliri teripidin qolgha chüshürülgenlikini uqturghan.

deslepki éniqlashlargha qarighanda, mezkur hujumda bir oqutquchi we sekkiz oqughuchi hayatidin ayrilghan, kem dégende 10 adem yarilanghan.

igilinishiche, saqchilarning hujumgha uchrighan mekteptiki oqughuchilarni tarqaqlashturush xizmetliri dawamlashmaqta iken.