илһам әлийев: «әрменийә хәлқара сотта җинайитиниң һесабини бериду»

түркийә авази радийоси хәвири: илһам әлийев,  әзәрбәйҗан дөләт телевизийиси (AZTV) ниң зийаритини қобул қилип, әрменийә ишғалийитидин азад қилинған районларда башлиған қайта қуруш хизмәтлири вә пиланлири үстидә тохталди.

әлийев уруштин кейин ишғалийәт мәзгилидә әрменийә көмгән миналарниң партилиши сәвәбидин 100 дин артуқ пуқраниң қаза қилғанлиқи вә йариланғанлиқини тәкитләп, әрменийәниң мина хәритисини тапшурмай уруш җинайити өткүзгәнликини билдүрди.

әлийев ул әслиһә вә районни гүлләндүрүш хизмәтлири билән тәң бирла вақитта бу зийанларни һесаблаш җәрйаниниңму давамлишиватқанлиқини вә чәтәллик мутәхәссисләрниңму буниңға қатнашқанлиқини байан қилди.

әлийев мундақ деди:

«бизниң пиланимиз әрменийәни хәлқара сот мәһкимисигә елип бериш. әлвәттә, биз бу ишни қилимиз, чәтәл мутәхәссислири бу ишта бизгә йардәм қилмақта. тәбиий байлиқлиримизни қанунсиз ишләткән әрменийә вә униң чәтәлдики шериклири хәлқара сотларда һесабини бериду. чүнки алтун вә мис канлири билән башқа тәбиий байлиқлиримизниң әрменийә тәрипидин булаң-талаң қилиниши вә қанунсиз ишлитилиши хәлқаралиқ җинайәт болуп, бу йөнилиштә қануний дәва башланди. һазир чәтәллик шериклиримиз бу ишқа арилашмақта»