қазақистанда һөкүмәт вәзиписидин истепа бәрди

түркийә авази радийоси хәвири: қазақистанда 10 – йанвар күни өткүзүлгән парламент сайлимидин кейин баш министир әсқәр мамин башчилиқидики һөкүмәт, йеңи ички кабинет тәшкил қилиниши үчүн вәзиписидин истепа бәрди.

қазақистан пирезидент мәһкимисиниң билдүрүшичә, пирезидент қасим җөмәр тоқайев, асасий қанунниң тәқәззаси бойичә парламент сайлимидин кейин, дөләттә йеңи һөкүмәт тәстиқланғанға қәдәр мәвҗут ички кабинет әзалириниң вәзипә өтишини давамлаштурушиға алақидар қарарнамини имзалиған. баш министир әсқәр манин башчилиқидики һөкүмәт, бу қарарнамигә асасән вәзиписидин истепа бәргән, һәмдә һөкүмәтниң йеңи ички кабинет тәшкил қилинғанға қәдәр вәзипә өтәшни давамлаштуруши қарарлаштурулған.

қазақистанда 10 – йанвар күни өткүзүлгән парламент сайлимида, һакимийәт бешидики нур отан партийәси % 71.9, ақ йол демократик партийәси % 10.95, қазақистан хәлқ партийәси % 9.10 авазға билән % 7 сайлам чәклимисидин һалқип өтүп, парламентқа кириш һоқуқиға еришкәниди.