җаппаров: 4-3 йилда қирғизистанни иқтисадий киризистин қутқузимән

түркийә авази радийоси хәвири: қирғизистанда пирезидентлиққа сайланған садир җаппаров бишкәктә өткүзүлгән ахбарат елан қилиш йиғинида, йеқинқи 30 йилда чирикликниң һәр саһәдә йилтиз тартқанлиқини әскәртип, чирикликкә қарши турушта һәммә кишиниң қолини йүрикигә селип, дөләтни қоллиши лазимлиқини тәкитлиди.

у хәлқниң өзини чирикликкә қарши туруш үчүн вәзипигә тәйинлигәнликини билдүрүп: «кона һөкүмәтләрниң хаталиқлирини өткүзмәймиз, сийасий бесим қилиштин йирақ туримиз, қанунниң һәммидин үстүнлүкидин ибарәт пиринсипқа хилаплиқ қилғанларға көз йуммаймиз» деди.

у қирғизистандики мәсилиләрни һәл қилиш үчүн 2-1 йил вақитниң йәтмәйдиғанлиқини әскәртип: «сийасий муқимлиқ орнитилған әһвалда қирғизистанни иқтисадий киризистин 4-3 йилда қутқузимән» деди.

қирғизистан мәркизий сайлам вә реферандум комитетиниң башлиқи нурҗан шаилдабекова ғәйрий рәсмий нәтиҗиләргә көрә, ташланған авазларниң %79.18 гә еришкән садир җаппаровниң пирезидентлиққа сайланғанлиқини елан қилған иди.

қазақистан пирезиденти қасим җөмәрттоқайев садир җаппаровға телефон қилип, уни тәбриклиди.

садир җаппаровму қазақистанда парламент сайлиминиң мувәппәқийәтлик өткүзүлгәнлики мунасивити билән, қасим җөмәрттоқайевни тәбрикләп, униң тәклипигә бинаән биринчи чәт әл зийаритини қазақистандин башлайдиғанлиқини билдүрди.