ئەلىيېۋ: ئەرمېنىيە تۆلەم تۆلەيدۇ

تۈركىيە ئاۋازى رادىيوسى خەۋىرى: ئەزەربەيجان پىرېزىدېنتى ئىلھام ئەلىيېۋ، تاغلىق قاراباغ ھەربىي ھەرىكىتى جەريانىدا يارىلانغان ئەسكەرلەردىن ھال سورىدى.

ئەرمېنىيەنىڭ ئىشغال قىلىۋالغان جايلاردىكى ئاھالىلەر رايونلىرى، مەكتەپلەر، دوختۇرخانىلار، تارىخىي يادىكارلىقلار، مەسچىتلەر ۋە قەبرىستانلىقلارنى يەر بىلەن يەكسان قىلىۋەتكەنلىكىنى بىلدۈرگەن ئەلىيېۋ، بۇلارغا ئالاقىدار كۆرۈنۈشلەرنى ئېلان قىلغانلىقلىرىنى ئېيتتى.

ئۇ، خەلقئارادىكى كەسپىي خادىملارنىڭ ئىشتىراك قىلىشى بىلەن ماددىي ۋە مەنىۋى زىياننى ھېسابلاپ چىقىپ، ئەرمېنىيە ئۈستىدىن خەلقئارا سوتلارغا ئەرز سۇنىلىدىغانلىقىنى قەيت قىلغان ھالدا «ئەرمېنىيە تۆلەم تۆلەيدۇ» دېدى.