türkistandiki xoja ehmet yesewining meqberisini bir yérim milyon kishi ziyaret qildi

türkiye awazi radiyosi: türkistan ölkisining muawin reisi meyirjan mirzaliyéw axbarat élan qilish yighinida, rayonning ijtimaiy, iqtisadiy we sayahet sahesidiki tereqqiyatliri heqqide melumat berdi.

türkistan ölkiside 168 méhmanxana, 51 tetil merkizi we 60 dem élish merkizining paaliyet qiliwatqanliqini bildürgen mirzaliyéw 57 sayahet liniyesi belgilep chiqilghanliqini éytti.

mirzaliyéw türkistanning méhmanxanilirida xelqara ölchemlerge uyghun rémont xizmetlirining emelge ashurulghanliqini tekitlep: «eneniwi qol -hüner senet merkizi, xelqara ayrodurum, tiyatirxana, xoja ehmet yesewi muzéyi we bashqa muessiseler bina qilinmaqta» dédi.

u türkistangha her yili sayahetchilerning kélish nisbitining ösüwatqanliqini tilgha élip: «xoja ehmet yesewining meqberisini aldinqi yilidila 1 yérim milyon sayahetchi ziyaret qildi. bu sanni 2025 – yilida 5 milyongha chiqirish nishan qilinmaqta» dédi.

mirzaliyéw sayahetchilerning bu qiziqishining eslide, türkistanning yuqiri derijilik jelp qilish küchining namayendisi ikenlikini tekitlidi.