qazaqistanda yüz bergen ayropilan qazasida ölgenlerning sani köpeydi
qazaqistanda bir yoluchilar ayropilanining chüshüp kétishi netijiside hayatidin ayrilghanlarning sani 15 ke yetti.
türkiye awazi radiyosi xewiri: qazaqistan jiddiy ehwallargha taqabil turush komitétining bildürüshiche, almuta – nursultan ariqilida qatnawatqan Bek Air hawa yolliri shirkitige ait « Fokker 100 » tipliq yoluchilar ayropilani qozghilish jeryanida turalghular jaylashqan rayongha chüshüp ketken.
almuta waliy mehkimisining bildürüshiche, ayropilanda 8 bala, 5 xadimni öz ichige alghan 93 kishi bolup, qazada 15 kishi jénidin ayrilghan, 66 kishi yarilanghan.
qazaqistan sanaet we ul eslihe qurulushlirini tereqqiy qildurush ministirliqining bildürüshiche, qazaning sewebi tekshürüp bir terep qilinghangha qeder Bek Air hawa yolliri shirkitining paaliyetliri toxtitilghan.
puqrawi awiyatsiye komitéti teripidin bu heqte élan qilinghan bayanattimu, qazaning sewebi tekshürüp bir terep qilinghangha qeder, dölette « Fokker 100 » tipliq ayropilanlarning uchushlirining toxtitilghanliqi eskertilgen.
yene bir tereptin, qazaqistan jumhuriyiti pirézidénti qasim jomart tokayéw 28 – dékabir künini «milliy matem küni» élan qildi.
qazaqistan pirézidént mehkimisi axbarat wasitiliri ishliri bayanatchisi bérik uali, ammiwi ortaqlishish tor béti Facebook sehipiside bu heqte élan qilghan bayanatida mundaq dédi: «pirézidént tokayéw 28 – dékabir künini almuta etrapida yüz bergen ölümlük ayropilan qazasi sewebidin <milliy matem küni> élan qildi.»
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
