2019 – يىللىق «تۇراز بۈركۈتى» ناملىق ھەربىي مانىۋېر داۋاملاشماقتا

تۈركىيە ئاۋازى رادىيوسى خەۋىرى: ئەزەربەيجان دۆلەت مۇداپىئە مىنىستىرلىقىنىڭ بىلدۈرۈشىچە، ئەزەربەيجان بىلەن تۈركىيە ھاۋا ئارمىيەلىرىنىڭ ئىككى دۆلەت ئوتتۇرىسىدىكى يىللىق ھەربىي ھەمكارلىق پىلانى دائىرىسىدە 2 – سېنتەبىر كۈنى باشلانغان ھەربىي مانىۋېرىنىڭ 4 – كۈنىدىمۇ، ئۇچۇشلار ئىشقا ئاشۇرۇلۇپ، تۈرلۈك ماھارەتلەر كۆرسىتىلگەن.

مانىۋېرغا،  ئىككى دۆلەتتىن  « Mig-29»، « F-16» ۋە « Su-25 » تىپلىق ئۇرۇش ئايروپىلانلىرى بىلەن « CASA » ناملىق يۈك ئايروپىلانى، « Mi-35»، « Mi-17»،  « Sikorski UH-70»، « CH-47 Chinook » ۋە « ATAK/AH-1W » ناملىق ئۇرۇش تىك ئۇچار ئايروپىلانلىرى قاتارلىق  30 دەك ھاۋا ۋاسىتىلىرى قاتناشماقتا ئىكەن.

پاكىستان ھاۋا ئارمىيەسى ۋەكىللىرىمۇ كۆزەتكۈچى سۈپىتىدە قاتنىشىۋاتقان ھەربىي مانىۋېر 16 – سېنتەبىرگىچە داۋاملىشىدىكەن.