türkistan rayonida yüz bergen partlash tekshürülmekte
tünügün (24-iyun) qazaqistanning türkistan ishtatidiki bir herbiy oq-dora iskilatigha ot kétip yüz bergen partlash weqeside jénidin ayrilghanlar sanining ikkige, yarilanghanlar sanining 89 gha chiqqanliqi élan qilindi.
türkiye awazi radiyosi xewiri: qazaqistan sehiye ministirliqi herbiy oq-dora iskilatidiki partlashqa munasiwetlik élan qilghan bayanatida, türkistanning aris shehiridiki herbiy qoral-yaragh iskilatigha ot kétish sewebidin yüz bergen partlash netijiside, ikki kishining jénidin ayrilghanliqini, 18 kichik balini öz ichige alghan 89 kishining yarilanghanliqini bildürdi.
qazaqistan pirézidénti qasim jömert toqayéw doxturxanilardiki yaridarlarni we etraptiki nahiyelerge qurulghan ahalilerni tarqaqlashturush merkezliridiki aris sheher ahalisidin hal sorap ehwal igilidi.
qeyt qilinishiche, 24-iyun shu yer waqti etigen saet 09:00 da aris shehiridiki herbiy qoral-yaragh iskilatida partlash yüz bergen we aris shehiridiki 39 mingdin artuq kishi qoshna nahiyelerde qurulghan chédirlargha tarqaqlashturulghan idi. qoral-yaragh iskilatigha ot kétish weqesining tekshürülüshi üchün komitét qurulghan bolup, qazaqistan dölet mudapie ministirliqi iskilattiki oq-dorilarning yérimining partlap ketkenlikini bildürgen.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.