өзбекстанниң сода һәҗими ашти
өзбекстанниң ташқи сода һәҗими бу йилниң тунҗи чарикидә 2018-йилиниң охшаш мәзгилигә селиштурулғанда %27.2 ешип 9 милйард 406.2 милйон долларға йәтти.
түркийә авази радийоси хәвири: өзбекстан дөләтлик истатистика комитети ташқи содиға мунасивәтлик рәқәмләрни елан қилди. комитетниң санлиқ рәқәмлиригә асасланғанда, 2019-йилиниң тунҗи үч ейида експорт миқдари %20.6 ешип 4 милйард 132.7 милйон долларға, импорт миқдари %32.9 ешип 5 милйард 273.5 милйон долларға йәткән. бу мәзгилдә өзбекстанниң ташқи қизил рәқими 1 милйард 140.8 милйон доллар болған.
2019-йилиниң тунҗи чарикидә өзбекстанниң експортида биринчи орунда, алтун, енергийә вә нефит мәһсулатлири, йемәк-ичмәк мәһсулатлири, рәңлик вә төмүр металлар билән мулазимәт саһәси турған. импортида болса, машина-үскүниләр, химийә санаити мәһсулатлири, рәңлик вә төмүр металлири мәһсулатлири алдинқи орунда турған.
өзбекстанниң ташқи содиси 2018-йилида 2017-йилиға селиштурулғанда %27.3 ешип 33 милйард 815.3 милйон доллар болған болуп, буниң 14 милйард 257.9 милйон долларлиқ қисмини експорт, 19 милйард 557.4 милйон долларлиқ қисмини импорт игәллиди.
مۇناسىۋەتلىك خەۋەرلەر
түркийә қирим татарлири сүргини вә чәркәз сүргүнини хатирләп байанат елан қилди
түркийә қирим татарлири вә кавказдики қериндаш хәлқләрниң азабини ортақлишидиғанлиқини билдүрди.