washingtondiki türkler ermen dewalirigha qarshi namayish qildi
amérika paytexti washingtonda yüzlerche türk atalmish 1915-yil weqelirini seweb qilip türkiyening washingtondiki elchixanisi aldida namayish qilghan ermenlerge qarshi naraziliq bildürüp namayish qildi.
türkiye awazi radiyosi xewiri: türkiyening washingtondiki elchixanisi jaylashqan meydan, atalmish 1915-yil weqelirini seweb qilip namayish qilghan ermenler bilen ulargha naraziliq bildürgen nurghun türk ammisining namayishigha sehne boldi.
qollirida türkiye bayraqlirini kötürüp, ermen dawalirining heqiqetke uyghun emeslikini bildürgen türkler we ularni qollap kelgen ezerbeyjan we ahiska türkliri, türk-amérikan milliy yéteklesh komitéti teshkilligen namayishta bir yerge jem boldi.
namayish jeryanida, istiqlal marshi oquldi we arqidin ermen térroristliri shéhit qilghan türkiye diplomatlirining isimliri oquldi. washington saqchiliri qattiq bixeterlik tedbirliri aldi.
türk-amérikan milliy yéteklesh komitétining reisi halil mutlu we günay ewinch qilghan sözliride, eyni waqitta ermeni qoralliq küchliri teripidin qirghin qilinghan anadolu kishilirining dertlirini körmeske sélishning heqqaniyetsizlik bolidighanliqini tekitlidi.
bir-birige qarshi shoarlar towlanghan we texminen 2 yérim saet dawamlashqan namayishlar, weqesiz axirlashti.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.