бабатағ чегра еғизи қайтидин ечилди

түркийә авази радийоси хәвири: таҗикстан чегра қоғдаш қисминиң ахбарат ишханиси бабатағ чегра еғизиниң қайтидин ечилғанлиқи тоғрисида байанат елан қилди. байанатқа асасланғанда, чегра еғизиниң ечилғанлиқи мунасивити билән мурасим өткүзүлгән. мурасимға, һәр икки дөләтниң нурғун пуқралиридин башқа, өзбекстан чегра қоғдаш қисминиң қомандани руслан мирзайев, таҗикстан чегра қоғдаш қисминиң қомандани раҗабали рахманәли қатнашқан.

мурасимда, бабатағ чегра еғизи хизмәткә кириштүрүлгән.

бабатағ чегра еғизи таҗикстанниң һисар вә өзбекстанниң сариасйа наһийәлирини бир-биригә туташтуриду. таҗикстан пирезиденти имамәли рахман өткән йили (2018) өзбекстанни зийарәт қилғанда, пирезидент шәвкәт мирзайев билән көрүшүп, бабатағ чегра еғизини қайтидин ечиш тоғрисида келишим имзалиған иди.

өткән йили өзбекстан билән таҗикстан оттурисидики «қартәпә», «қушкәнт», «учтурған», «һавастабад», «бәкабад», «пап», «рават», «гүлбаһар» ташйоли вә «амузаң» төмүр йоли қатарлиқ чегра еғизлири аридин узун вақит өткәндин кейин қайтидин хизмәткә кириштүрүлгән иди.

таҗикстан қурмақчи болған һидро електир истансисиға өзбекстанниң қарши чиқиши сәвәбидин икки дөләт оттурисида ихтилаплар йүз бәргән болуп, 2008-2005 –йиллири арисида бәзи чегра еғизлири тақалған иди.