nezerbayéw türk medeniyiti layihesini bashlashni otturigha qoydi

türkiye awazi radiyosi xewiri: qazaqistan pirézidénti nursultan nezerbayéw pirézidéntliq sariyining intérnét bétide, «büyük yaylaqning yette burjiki» namliq maqale élan qilip, qazaqistanning türklerning ana yurti ikenlikini ilgiri sürdi. u: «bu yerde oxshimighan dölet hemde rayonlardiki tarixiy musapilerge muhim töhpilerni qoshqan türk qebililiri we xelqliri, dunyaning oxshimighan jaylirigha tarqalghan» dédi.

maqaliside, «ötmüshtin künimizgiche türk medeniyiti» layihesini bashlash kéreklikini tekitligen pirézidént nezerbayéw: «bu dairide 2019-yilda paytext astanada dunya türkiologiye kongresi we her qaysi döletlerning muzéyiliridiki qedimki türk eserliri körgezme qilinidighan türk xelqliri künliri paaliyitini ötküzüsh mumkin» dédi.

pirézidént nezerbayéw intérnét inskilopidiyesi(qamus) de ortaq türk terjime eserliri kutupxanisini qurushning ehmiyitini tekitlep, bu nuqtida qazaqistanning bashlamchi bolalaydighanliqini bildürdi.

u türkistanni yéngi ishtat merkizi süpitide tonitish dairiside, sheherning xelqaradiki ornini küchlendürüsh kérekilikini eskertip, qazaqistanning qedimki paytextining peqet qazaq xelqining meniwi merkizi bolupla qalmastin, belki pütkül türk dunyasi üchün muqeddes jay hésablinidighanliqini qeyt qildi.