түркийә ширкәтлири ташкәнт-сәмәрқәнт ташйолини йасайду
түрк ширкәтлири өмики өзбекстанниң мәсул органлири билән бирликтә пайтәхт ташкәнтни сәмәрқәнткә туташтуридиған тунҗи һәқ елинидиған ташйол лайиһәсини тәпсилий музакирә қилди.
түркийә авази радийоси хәвири: өзбекстан дөләтлик мәбләғ комитетиниң бу һәқтики байанатиға асасланғанда, комитетниң 1-муавин йардәмчиси лазиз қурдраров җәнгиз-колин-калйон түрк ширкәтлириниң мәсуллири билән көрүшүп, өзбекстанда йасалмақчи болған тунҗи һәқ елинидиған ташйол лайиһәсини музакирә қилған. өзбекстанниң мунасивәтлик министирлиқ вә дөләт органлири музакирәгә қатнашқан болуп, түрк өмики лайиһә тоғрисидики тәклиплирини сунған, өзбекстан тәрәп лайиһәгә мунасивәтлик пикирлирини оттуриға қойған. музакирәдә, ташйол өтидиған нуқтилар, ташйол қурулушиниң деһқанчилиқ етизлири, йайлақ вә муһитқа көрситидиған тәсирини әң төвән чәккә чүшүрүш мәсилилири көздин кәчүрүлгән.
өзбекстандики тунҗи һәқ елинидиған ташйол болуши пилан қилинған ташкәнт-сәмәрқәнт ташйол қурулуши келишиминиң, түркийә җумһур рәиси рәҗәп таййип әрдоғанниң 2018-йил апрел ейидики өзбекстан зийаритидә түзүлгәнлики вә ташйолниң 2019-2020-йиллирида хизмәткә кириштүрүлүшиниң пилан қилинғанлиқи билдүрүлди.
қәйт қилинишичә, лайиһә хизмәткә кириштүрүлгәндә 4-3.5 саәт болған ташкәнт-сәмәрқәнт ташйол мусаписи икки саәткә чүшидикән.
مۇناسىۋەتلىك خەۋەرلەر
түркийә қирим татарлири сүргини вә чәркәз сүргүнини хатирләп байанат елан қилди
түркийә қирим татарлири вә кавказдики қериндаш хәлқләрниң азабини ортақлишидиғанлиқини билдүрди.
