türkistan yéngidin shekillinidighan boldi

türkiye awazi radiyosi xewiri: qazaqistanning türkistan ölkisi waliysi janseyit tüymebayéw, pirézidént nur sultan nerezbayéw teripidin ölke merkizi élan qilinghan we 1500 yilliq tarixqa ige türkistan shehirining yéngidin shekillendürülidighanliqini éytti.

qazaqistanning enqerede turushluq sabiq bash elchiliki wezipisinimu ötigen janseyit tüymebayéw, türksitan shehiride ötküzülgen jenubiy qazaqistan ölkisining türksitan ölkisi bolup özgertilishini we ölke merkizining türkistan shehirige yötkilishini tebriklesh murasimida söz qildi.

türkistan ölkisi waliysi janseyit tüymebayéw qazaq xanliqining merkizi we türk dunyasning meniwiy paytexti bolghan türkistan ölkisining yéngidin shekillendürilishining muhim ehmiyitini chüshendürdi.

türkistan shehirige ölke salahiyiti bérish qararining chongqur menige ige ikenlikini bildürüp, «bu ijabiy qedem tarixiy bayliqilirimizning janlinishini, rayonning ijtimaiy we iqtisadiy ewzelliklirining yuqiri kötürülishini shundaqla yerlik xelqning turmush sewiyesining ösüshini ishqa ashuridu. 1500 yilliq tarixqa ige bu sheher yéngi bir tüske kéridu» dédi.

tüymebayéw pirézidént nezerbayéwning türkistan rayonigha alahide ehmiyet bergenlikini tekitlep, 1991 – yili pirézidéntning alahide köngül bolushi bilen türkistanda, türkiye – qazaqistan xelqara xoja ehmed yesiwiy uniwérsitétining qurulghanliqinimu eskertti.