өзбекстан иқамәт беҗиришни әмәлдин қалдурди
өзбекстан һөкүмитиниң сайаһәтчиликни гүлләндүрүш үчүн қарарнамә мақуллап, чәт әлликләрдин вақитлиқ иқамәт беҗириш бәлгилимисини әмәлдин қалдурғанлиқи билдүрүлди.
түркийә авази радийоси хәвири: йеқинқи мәзгилләрдә сайаһәтчиликни тәрәққий қилдуруш үчүн муһим қәдәмләрни басқан өзбекстан, чәт әлликләрдин вақитлиқ иқамәт беҗиришни әмәлдин қалдурди.
март ейида түркийәни өз ичигә алған нурғун дөләтләрдин виза рәсмийитини әмәлдин қалдурған йаки асанлаштурған өзбекстан, сайаһәтчиликни гүлләндүрүш үчүн йеңи тәдбирләрни йолға қойди.
өзбекстанда йашаватқан чәт әлликләрдин тәләп қилинидиған вақитлиқ иқамәт беҗириш әмәлдин қалдурулди. буниңға мунасивәтлик қарарнамә билән, бүгүнгичә чәт әлликләрдин тәләп қилинидиған "вақитлиқ иқамәт" мәҗбурийити, өй игиси, тәклип қилған тәрәп йаки сайаһәт ширкитигә йүкләнди.
бундин кейин өзбекстанда, өзи туруватқан районларда үч күндин аз туридиған чәт әлликләрниң вақитлиқ иқамәт беҗиришигә керәк йоқ. өз алдиға сайаһәт қилған, машина йаки чедирларда қонған чәт әлликләр үч күн ичидә интернет арқилиқ илтимас сунуп, туруватқан җайи тоғрисида өзбекстан органлириға учур бериду.
чәт әлликләрниң бир ай бойичә вақитлиқ иқамәт беҗириш үчүн дөләткә 20 доллар төләш бәлгилимисиму әмәлдин қалдурулди.
مۇناسىۋەتلىك خەۋەرلەر
түркийә қирим татарлири сүргини вә чәркәз сүргүнини хатирләп байанат елан қилди
түркийә қирим татарлири вә кавказдики қериндаш хәлқләрниң азабини ортақлишидиғанлиқини билдүрди.
