«сомонҗи дада: ашиқлиқниң сири» намлиқ филим чимкәнттә қойулди
қазақистанниң чимкәнт шәһиридә өткүзүлгән вә бәш күн давамлашқан «түркийә филимлири һәптиси» паалийити зор мувәппәқийәт билән ахирлашти.
түркийә авази радийоси хәвири: йавро-асийа иҗтимаий тәшкилатлар һәмкарлиқ җәмийити, қазақистан мәдәнийәт вә сайаһәт ишлири министирлиқи һәмдә чимкәнт өлкилик һөкүмәтниң һәмкарлишиши астида «түркийә филимлири һәптиси» паалийити өткүзүлди. паалийәтниң ахирқи күнидә, «сомонҗи дада: ашиқлиқниң сири» намлиқ филим тамашибинлар билән йүз көрүшти.
филим қойулуп ахирлашқандин кейин, паалийәтниң йепилиш мурасимида, «сомунҗи дада: ашиқлиқниң сири» филимидә рол алған фуркан палали вә режиссор күршат кизбазға тәқдирнамә берилди. фестивални уйуштурғучилардин бири болған җаһит йилдиз кино һәвәскарлириниң қизғинлиқидин тәсирләнгәнликини билдүрүп: «чимкәнттә өткүзгән паалийәткә кино һәвәскарлириниң бунчилик қизиқишини ойлапму бақмиған идим, филим қойулған зал тиқлим-тиқлим тошуп кәтти, қизиқиш чоң болди» деди.
у қазақистан хәлқиниң түркийә һәққидә техиму көп учурға еришкәнликини әскәртип, мундақ деди:
«наһайити муһим паалийәт иди, барлиқ иштиракчиларға вә буниңға күч чиқарған һәммәйләнгә тәшәккүр ейтимән.»
түркийә филимлири һәптиси паалийити давам қилған бәш күн бойичә «сомунҗи дада: ашиқлиқниң сири», «алаһидә қисим әтрити: сүрийә», «узун һекайә», «120», «җан», «көзүмниң нури», «ахирқи мәктуп» қатарлиқ филимләр һәқсиз қойулди.
паалийәткә, хәлқара түрк мәдәнийәти тәшкилати (TÜRKSOY), хоҗа әһмәт йәсәви хәлқара түркийә-қазақ универстети, йунус әмрә иниститути, карагөз агентлиқи, доғуш вә атлас глобал ширкәтлири қатнашти.
مۇناسىۋەتلىك خەۋەرلەر
әзәрбәйҗан баш министири түркийәдә зийарәттә болмақта
әзәрбәйҗан баш министири әли әсәдоф түркийәдә дөләт ишлири зийаритидә болмақта.
өзбекистан билән венгирийә әркин иқтисадий район қуриду
өзбекистанда венгирийә вә йавропа ширкәтлири үчүн алаһидә әркин иқтисадий район қурулиду.