türkistanda türkologiye yighini ötküzüldi
qazaqistanning türkistan shehiride 7 – nöwetlik xelqara türkologiye yighini chaqirdi.
türkiye awazi radiyosi xewiri: xelqara türk – qazaq xoja ehmed yesewi uniwérsitéti teripidin ötküzülgen «xeter astidiki türkiy tillar» témiliq yighinda köp sandiki alimlar we oqughuchilar qatnashti.
xoja ehmed yesewi uniwérsitétining muawin mudiri mustafa eren yighinda qilghan sözide, tilning insaniyetning mewjud bolush sewebliridin biri ikenlikini tekitlep mundaq dédi: «biz mewjudiyitimizni peqet tilimiz arqiliq la saqlap qalalaymiz. eger tilimiz xewp astida qalghan bolsa, undaqta mewjudiyitimizmu xeter asta démektur.»
bashkent uniwérsitét türk tili we edebiyati bölümining oqutquchisi piroféssor doktor süer eker, dunyadiki bezi türkiy tillarning yoqilish aldida turuwatqanliqini eskertti hemde buninggha qirim qarajaychisi we gagawuz tilini misal qilip körsetti.
nahayiti az sandiki kishiler sözlishidighan bu tilning mewjudiyitini anche uzun saqlap qalalmaydighanliqini eskertken eker, tilning yoqulush sewebliridin birining aililerde balilargha ana tilni ögetmeslik ikenlikini tekitlidi.
