uyghur élidiki bezi nahiyeler sheherge özgertilidiken

türkiye awazi radiyosi xewiri: taratqularda tarqiliwatqan «shinjing géziti» (新京报) ning 12-aprél künidiki xewirini menbe qilip körsetken uchurlardin melum bolushiche, xitay ölkiliridiki nahiyeler nahiyeni emeldin qaldurup, sheher tesis qilinishini telep qilip, béyjing merkiziy hökümitige iltimas sunghan. buning ichide uyghur aptonom rayonidiki bezi nahiyelermu bar bolup, hazir merkiziy hökümetning testiqlishini kütmekte iken.

2012-yili 12-féwral sina torida élan qilinghan emeldin qaldurulup, sheher, rayongha özgertilidighan wilayet, nahiyelerning tizimlikige asaslanghanda, ürümchi nahiyesi emeldin qaldurulup sheherge, tarbaghatay wilayitidiki dörbilijin nahiyesi emeldin qaldurulup sheherge, sawen nahiyesi sheherge, chaghantoqay nahiyesi rayongha özgertilidiken.

qeshqer wilayitidin qaghiliq nahiyesi bilen yeken nahiyesi emeldin qaldurulup sheherge özgertilidiken. yeken nahiyesining ismi zerepshangha özgertilidiken.

 ili oblastidin ghulja nahiyesi sheherge, qorghas nahiyesi rayongha, künes nahiyesi sheherge, ismi naratqa özgertilidiken.

xoten wilayitidin xoten nahiyesi emeldin qaldurulup rayongha özgertilidiken.

turpan wilayitidin pichan nahiyesi emeldin qaldurulup sheherge özgertilidiken.

aqsu wilayitidin kuchar nahiyesi emeldin qaldurulup sheherge, ismi küsenge özgertilidiken. bay nahiyesimu sheherge özgertilidiken.

sanji oblastidin chitey nahiyesi emeldin qaldurulup sheherge özgertilidiken.

bayingholin oblastidin bügür, qarasheher we chaqiliq nahiyesi emeldin qaldurulup sheherge özgertilidiken. chaqiliqning ismi kirorenge özgertilidiken.

xewerde eskertilishiche yene, bezi wilayet rayonlar emeldin qaldurulup, yéngidin sheher we rayonlar tesiis qilinidiken. ili oblastida yéngidin qorghas alahide rayoni tesis qilinidiken.

tarbaghatay wilayitide yéngidin qoshtolghay shehiri qurulidiken.

sanji oblastida yéngidin jündong shehiri tesis qilinidiken.

qumul wilayitide wilayet emeldin qaldurulup, yéngidin yiju we sewdalin rayoni tesis qilinidiken.

tarbaghatay wilayitide wilayet emeldin qaldurulup, yéngidin chuxuchu rayoni, chaghantoqay rayoni we liyawta yéngi rayoni tesis qilinidiken.

turpan wilayitide wilayet emeldin qaldurulup, yéngidin sheher tesis qilinidiken we idiqut rayoni qurulidiken.

qeshqer wilayitide wilayet emeldin qaldurulup, yéngi sheher tesis qilinip, kashigher rayoni, qeshqer kona sheher rayoni, qeshqer yéngisheher rayoni tesis qilinidiken.

aqsu wilayitide wilayet emeldin qaldurulup, sheher tesis qilinip, yéngidin qum aymiqi rayoni, onsu rayoni tesis qilinidiken.

shinjang ishlepchiqirish-qurulush déwiziyesi tarmiqida yene 13 sheher tesis qilinidiken.

xewerde nahiye we wilayetlerni emeldin qaldurup, sheherge özgertish iqtisadni algha siljitidighan «pishang» dep ilgiri sürülgen bolsimu, emma mutexessisler, uyghur élidiki bezi sheher qilip qurulidighan nahiye isimlirining xitaychigha özgertilgenlikige we shinjang ishlepchiqirish-qurulush déwiziyesi tarmiqida tesis qilinidighan 13 sheherning ismi hemde ornigha yéqindin diqqet qilmaqta.