uyghurlar türk dunyasigha alaqidar xelqaraliq élmiy qurultaylarda özini namayen qilmaqta

türkiye awazi radiyosi xewiri: xuja ehmed yesiwi yili munasiwiti bilen türkiye maarip uyushmisi we xelqaraliq yawroasiya maarip uyushmiliri birlikining hemkarliqida chaqirilghan «xelqaraliq türk dunyasi maarip ilimliri we ijtimaiy penler qurultiyi» 2- dékabirdin 4 - dékabirgiche antalyada ötküzüldi. 

qurultaygha türk dunyasidin 180 bilim adimi bolup, jemiy 22 dölettin 450 alim qatnashqandin sirt, türkiye aliy muarip bashqarmisi mesulliri we her qaysi siyasiy partiyelerning wekillirimu ishtrak qildi.

qurultay 70 olturushtin terkip tapqan bolup, 480 bilim adimi nutuq sözlidi.

türkiye maarip uyushmisi we xelqaraliq yawroasiya maarip uyushmiliri birliki bashliqi ismail qonjuq, qurultaygha qatnishish üchün türkiye we dunyaning her qaysi jayliridin 1048 bilim adimining iltimas sunghanliqini we bahalash komitétining 418 kishining maqalisini qobul qilip qalghanlirini ret qilghanliqini bildürdi.

bu tünji nöwetlik xelqaraliq türk dunyasi maarip ilimliri we ijtimaiy penler qurultiyigha uyghur tükliridin bilim ademlirimu iltimas sundi.

bahalash komitéti ularning arisidin uyghur akadémik piroféssor doktor abdurreshit qarluq ependining «sherqiy türkistanda yürgüzüliwatqan til siyasiti we netijiliri» témiliq maqalisini qobul qilghandin bashqa yene, uni qurultay jeryanidiki 2 olturushning riyasetchilikige teyinlidi.

uyghur akadémik piroféssor doktor abdurreshit qarluq ependi qurultay jeryanida jüme küni ötküzülgen «xuja ehmed yesiwi» olturushi bilen bügün 3 - dékabirda ötküzülgen «rauf denktash olturishi» gha riyasetchilik qildi.

piroféssor doktor abdurreshit qarluq ependining «sherqiy türkistanda yürgüzüliwatqan til siyasiti we netijiliri» témiliq maqalisi yighin ishtrakchilirining qizghin alqishigha érishti.

«xelqaraliq türk dunyasi maarip ilimliri we ijtimaiy penler qurultiyi» ning asasliq meqsitining, maarip, bilim, tarix, din, iqtisad, hakimiyet, kültür qatarliq nurghunlighan saheler boyiche ötküzülidighan ortaq ilmiy qurultay we paaliyetler arqiliq türk dunyasining özara alaqe we birdeklikige töhpe qoshush, qelb rishtilirini mustehkemlesh, maarip organliri we ijtimaiy jemiyetler saheside yéngi hemkarliqlarni ornitish, ilmiy xizmetler, ijadiyet, tereqqiyat, chégra halqighan mesililer üchün hel qilsh charisi tépish, siyaset we kültür jehettiki yéqinlishishni yuqiri kötürüsh shundaqla yéngi shérikliklerni berpa qilishta muhim rol oynash ikenliki bildürüldi.