tarixtiki bügün: 12– féwral
bügün 2020 – yili 12 – féwral - charshenbe, töwende ilker tashqin teripidin teyyarlanghan «tarixtiki bügün» namliq pirogrammini diqqitinglargha sunimiz.
■ 1912 – yili 12 – féwralda 6 yashliq xitay impératori pu yi texttin chüshürülüp, jumhuriyet élan qilindi. shuning bilen, 2 ming yilliq xitay impératorluqigha xatime bérildi.
■ 1959 – yili 12 – féwralda siyurix yighinida qurulushi qarar qilinghan qibris jumhuriyiti we kapaletchilikke alaqidar qararlarni muzakire qilishni nishan qilghan ikkinchi nöwetlik london yighini chaqirildi. engliye bash weziri harold makmillanning sahibxanliqida chaqirilghan yighingha bash ministir adnan menderes, girétsiye bash ministiri konistantin karamanlis, doktor fazil küchük we bash épiskop makarios ishtirak qildi.
■ 1999 – yili 12 – féwralda «monika léwiniski» délosida yalghan guwahliq bérish we adaletning namayan bolushigha tosqunluq qilish bilen eyiblinip, hoquqtin yiraqlashturush tekshürüshige duch kelgen amérika pirézidénti bil kilinton palata teripidin aqlandi.
■ 2002 – yili 12 – féwralda yogoslawiyening sabiq pirézidénti slobodan miloséwéch, insaniyetke qarshi sadir qilghan jinayetliri yüzisidin lahaydiki xelqara jinayi ishlar sot mehkimiside tunji qétim sodiyening soallirigha jawab berdi. bir – biridin musteqil 66 xil jinayet bilen eyiblinip üstidin délo turghuzulghan miloséwéch, 2006 – yili sot dawamlishiwatqan mezgilde türmide öldi.
مۇناسىۋەتلىك خەۋەرلەر
tarixtiki bügün: 31 – dékabir
ilker tashqin teripidin teyyarlanghan «tarixtiki bügün» namliq pirogrammimiz huzurunglarda...