tarixtiki bügün: 11– dékabir

■ 1843 – yili  11 – dékabirda tubérkolyoz we xoléra késelliri sahesidiki mékrobik tetqiqatliri bilen tonulghan robért koch gérmaniyede dunyagha keldi. u, tubérkolyoz sahesidiki keshpiyati bilen 1905 – yili nobél méditsina mukapatigha érishti.

■ 1936 – yili  11 – dékabirda engliye padishahi 8- édward, wallsi simpson bilen birlikte ötüshni dawamlashturush üchün hökümdarliqtin waz kechti. engliye xanliqida bir yéngiliq yaratqan padishah 8 – édward, bu qararni élan qilishtin peqet 3 ay burunla  türkiyede ziyarette bolup, jumhur reis mustafa kemal atatürkning méhmini bolghanidi.

■ 1941 – yili  11 – dékabirda gitlér bilen mussolini, ittipaqdashliri yaponiyening sépide turup amérika qoshma ishtatlirigha urush élan qildi.

■ 1978 – yili  11 – dékabirda  iran sheherliride shah tüzümige qarshi keng kölemlik namayishlar ötküzüldi. xewpsizlik küchlirining qattiq mudaxilisi netijiside toqunushqa aylinip ketken isfahandiki weqelerde 40 adem jénidin ayrildi .

■ 1987 – yili  11 – dékabirda «hababam sinipi», «xushal – xoram künler» we «tosun pasha» qatarliq türk kinochiliqining muhim filimliride rol alghan tiyatir we kino senetchisi adile nashit istanbulda alemdin ötti.

■ 1993 – yili  11 – dékabirda  türkiyening baghdadta turushluq elchixanisi idare ishliri xadimi chaghlar yüjel aptomobilida qoralliq hujumgha uchrap shéhit boldi.

■ 1994 – yili  11 – dékabirda  chéchiniyening bir tereplime halda élan qilghan musteqilliq qararigha qarshi rusiye armiyesi heriketke ötti. ruslar yüzlerche tankining yardimi bilen sheherlerni ishghal qilishqa bashlidi, biraq chéchenler partizanliq urushliri arqiliq ruslarning ilgirilishini toxtatti. 1 – qétimliq rus – chéchen urushi 1996 – yili 30 – awghustta imzalanghan hasaw – yurt kélishimi bilen axirlashti.

■ 1999 – yili  11 – dékabirda  yawropa ittipaqi dölet we hökümet bashliqliri yighinida türkiyege eza bolush üchün namzatliq salahiyiti bérildi. hélsinki bashliqlar yighinining axirqi künige qatnashqan bash ministir bülent ejewit, yawropa ittipaqi rehberliri bilen «aile foto – süriti» ge chüshti.