erkin chélishish komandisi chémpiyon boldi

türkiye awazi radiyosi xewiri: ruméniye paytexti buxaréstta ötküzülgen yawropa chémpiyonluqida ikki altun médal, ikki kümüsh médal we ikki mis médalgha ériship, giruziye bilen ezerbeyjan komandilirining aldigha ötken türkiye erkin chélishish komandisi, komandilarning tertipide birichini boldi. buning bilen, türkiye komandisi 1993-yili istanbul sahibxanliq qilghan yawropa chémpiyonluqidin kéyinki tunji qétimliq erkin chélishish türi boyiche chémpiyonluqni qolgha keltürgen boldi.

feyzullah aqtürk 92 kilogiramliqlar boyiche, taha aqgül 125 kilogiramliqlar türi boyiche altun médalni qolgha keltürdi.

taha aqgül 125 kilogiramliqlar boyiche ötküzülgen erkin chélishishta, giruziyelik mahir géno pétriyashwili bilen musabiqileshti. meydandin 4 ke qarshi 5 netije bilen ayrilghan taha aqgül, arqimu arqa töt qétim, jemiy 11 qétim yawropa chémpiyoni boldi.

feyzullah aqtürk 92 kilogiramliqlar boyiche ötküzülgen erkin chélishishta, slowéniyelik mahir boris makoéwni 0 ge qarshi 8 netije bilen yéngip, üchinchi qétim yawropa chémpiyoni boldi.