réal madréd komandisigha yötkelgen arda güler ispaniyege yétip bardi

türkiye awazi radiyosi xewiri: mexsus ayropilangha olturup, atisi ümit güler, anisi serap güler we bir qisim tughqanliri bilen birlikte  istanbuldin madrid barajas adolfo suaréz ayrodromigha yétip barghan ardani réal madrid komandisining bir emeldari we kulub téléwiziyesi kütüwaldi.

réal madrid komandisi fenerbahche komandisi bilen arda gulerni yötkesh toghrisida kélishim hasil qilghanliqini, türkiye döletlik putbol mahiri bilen alte pesillik toxtam imzalinidighanliqini élan qilghanidi.

madridta salametlik tekshürüshidin ötüp, yéngi komandisi bilen toxtam imzalaydighan arda güler, ete türkiye waqti saet 13.00 te réal madridning tenterbiye merkizi bolghan «réal madrid tenterbiye shehiri» de axbaratqa tonushturulidu.

arda réal madrid komandisining pesildin burunqi meshiqlirige qatnishidu.

réal madrid komandisi 2023- 2024- yilliq musabiqilirige teyyarliq qilish üchün, 10- iyul waldébébastiki merkizide uchrishidu we barliq putbolchilar salametlik tekshürüshidin ötkendin kéyin, bir nechche kün ichide meshiqlerni dawamlashturush üchün amérikagha qarap yolgha chiqidu.

réal madrid komandisi «putbol chémpiyoni sayahiti» namliq musabiqe dairiside, milan, manchéstér birleshmisi, barsélona we yuwéntus komandiliri bilen meydangha chüshidu.