dunya longqisining yultuzigha aylanghan yaponiye, kirodiye komandisi bilen musabiqilishidu

türkiye awazi radiyosi xewiri: kirodiye-yaponiye musabiqisi el jenub tenterbiye meydanida enqere waqti 18.00, ürümchi waqti 21.00 de bashlinidu. musabiqige amérikaliq ismail élfat répérliq qilidu. musabiqe 1-t r t, 4K t r t qanalliri we trtspor.com.tr adrésida neq meydandin ulap tarqitilidu.

E guruppisida gérmaniye bilen ispaniye komandisini meghlub qilip, putbol dunyasini heyran qaldurghan yaponiye komandisi, alte nomurgha ériship guruppida birinchi boldi. 2018-yili rusiyede hel qilghuch musabiqige chüshken kirodiye komandisi F guruppisida besh nomurgha ériship guruppida ikkinchi boldi. bu musabiqide ghelibe qilghan komanda, yérim hel qilghuch musabiqige chüshüsh salahiyitige érishidu we biraziliye-jenubiy koréye yérim hel qilghuch musabiqisi ghalibining reqibige aylinidu. bu, yaponiye we kirodiye komandilirining dunya longqisi tarixida üchinchi qétim özara uchrishishi bolup hésablinidu. 1998-yili firansiyede ötküzülgen dunya longqisida kirodiye 0 ge qarshi 1 netije bilen yaponiye komandisini utqan idi. 2006-yili gérmaniyede ötküzülgen dunya longqisida, ikki komanda 0-0 netije bilen tengliship qalghan idi.