2022-yilliq dunya putbol longqisi qatarda bashlandi

türkiye awazi radiyosi xewiri:   tunji qétim ereb dunyasidiki bir dölette ötküzülgen dunya putbol longqisining qatar paytexti dohagha jaylashqan el beyt tenterbiye meydanidiki échilish murasimini 60 ming tamashibin kördi.

dunyagha dangliq senetchi morgan frimen (Morgan Freeman) qatnashqan we pütkül dunyaning qatarda bir yerge jem bolushi teklip qilinghan murasimda, köchmen qebililerning senet nomurliri körsitildi.

yerlik senetchilerning ussul nomurliridin kéyin, jenubiy koréye b t s (BTS) guruppisining ezasi jung kuk bilen qatar naxshichisi fahad el qubaisi 2022-yilliq dunya longqisining resmiy naxsha-muzikisi «Dreamers» ni orunlidi.

échilish murasimida, putbolning bir qebile bolup bir yerge jem bolushning nishan qilinghanliqi we dunyaning hemme adem ichide yashaydighan bir chédir ikenlikidin bésharet bérildi.

murasim, qatar emiri sheyx alsanining nutuqi bilen axirlashti.

ey beyt tenterbiye meydanida ötküzülgen murasimgha, türkiye jumhur reisi rejep tayyip erdoghanmu ishtirak qildi.

jumhur reis rejep tayyip erdoghan 2022-yiliq dunya longqisining échilish musabiqisi bolghan  qatar-ékwador musabiqisini, bashqa döletlerning bashliqliri bilen birlikte kördi.

milyonlarche putbol heweskarlirining téléwizorda neq meydandin tarqitilghan pirogrammida köridighan bu qétimqi dunya longqisida, 32 döletning komandisi jemiy 62 musabiqige chüshidu. longqa 2022-yili 18-dékabir ötküzülidighan hel qilghuch musabiqe bilen axirlishidu.