bügün türkiye komandisi yérim hel qilghuch musabiqige chüshidu

türkiye awazi radiyosi xewiri: xelqara waliybol fédératsiyeliri birleshmisining B (FIVB)guruppisidiki musabiqilerde birinchi rette 16 komandining ichige kirgen türkiye ayallar waliybol komandisi, bügün polshada Fguruppisida amérika komandisi bilen ikkinchi qétim musabiqige chüshidu.

musabiqe enqere waqti 18.30, ürümchi waqti 21.30 da «1-t r t» qanilida we «trtspor.com.tr» adrésida neq meydandin tarqitilidu.

türkiye ayallar waliybol komandisi Fguruppisidiki 1-aylanma musabiqiliride, gérmaniye we kanada komandisini meghlub qildi, emma amérika we sérbiye komandisigha utturup qoydi. F guruppisida amérika we sérbiye komandisidin kéyin üchinchi bolghan türkiye komandisi, charek hel qilghuch musabiqige chüshüsh salahiytini qolgha keltürdi. türkiye komandisi guruppidiki birinchi aylanma musabiqide, amérika komandisigha 3 ke qarshi 1 netije bilen utturup qoyghan idi.

bügünki musabiqide, türkiye komandisi amérika komandisini yenggen teqdirde, sérbiye-polsha musabiqisining ghalib komandisi bilen yérim hel qilghuch musabiqige chüshidu.

xelqara waliybol fédératsiyeliri birleshmisining charek hel qilghuch musabiqiliride, italiye-xitay, biraziliye-yaponiye komandilirimu musabiqilishidu.