türkiye chélishish mahirliri 134 médalgha érishti

türkiye awazi radiyosi xewiri: dunya we yawropa chémpiyonluqidin bashqa, islamiy hemkarliq tenheriket musabiqisi we aqdéngiz tenheriket musabiqiside riqabetleshken türkiye chélishish mahirliri, chüshken musabiqilerde 31 altun médal, 31 kümüsh médal we 72 mis médalgha ériship, jemiy 134 médalni qolgha keltürdi.

türkiye chélishish mahirliri yawrpa chémpiyonluqida, barliq yash katégoriyesi boyiche (15, 17, 20 we 23 yashtin töwen yaki yuqiri) ötküzülgen musabiqide, 20 altun médal, 19 kümüsh médal we 48 mis médalgha ériship, jemiy 87 médalni qolgha keltürdi.

wéngiriyede ötküzülgen chonglarning yawropa chémpiyonluqida bolsa, 7 altun médal, 3 kümüsh médal we 7 mis médalgha érishti.

türkiye ayallar chélishish komandisi yawropa birinchisi, girékche we erkin chélishish komandiliri yawropa ikkinchisi boldi.

türkiye chélishish mahirliri aqdéngiz tenheriket musabiqiside 7 altun médal, 5 kümüsh médal we 2 mis médalgha érishti. konyada ötküzülgen islamiy hemkarliq tenheriket musabiqiliride bolsa, 2 altun médal, 5 kümüsh médal we 12 mis médalgha érishti.

türkiye mahirliri 17 we 20 yashtin töwen dunya chémpiyonluqida, 2 altun, 2 kümüsh we 10 mis médalni qolgha keltürdi.

türkiye chélishish komandisi 10-séntebirdin 18-séntebirgiche (2022) sérbiyede ötküzülidighan chonglarning dunya chémpiyonluqida her qaysi döletlerning komandiliri bilen riqabetlishidu.