yawropa éghirliq kötürüsh chémpiyonluqida yette médal qolgha keldi
türkiye mahirliri polshada ötküzülgen cholpanlar we 15 yashtin töwen yawropa éghirliq kötürüsh chémpiyonluqining altinchi künide, üch altun médal we töt kümüsh médal aldi.
türkiye awazi radiyosi xewiri: türkiye éghirliq kötürüsh fédératsiyesi polshada ötküzülgen cholpanlar we 15 yashtin töwen yawropa éghirliq kötürüsh chémpiyonluqida türkiye mahirlirining érishken médal sanini élan qildi.
türkiye éghirliq kötürüsh fédératsiyesining bu heqtiki melumatlirida bildürülishiche, chémpiyonluqta 15 yashtin töwen oghullarning 96 kilogiramliqlar musabiqiside, sami baqi qiymet yulup kötürüshte 127 kilogiram éghirliqni kötürüp bir altun médalgha, silkip kötürüshte 145 kilogiram éghirliqni kötürüp bir altun médalgha érishken we jemiy besh rékort buzup yawropa chémpiyoni bolghan.
büshra chan 15 yashtin töwen qizlarning 81 kilogiramliqlar musabiqiside, 84 kilogiram éghirliqni kötürüp kümüsh médalgha, 100 kilogiram éghirliqni silkip kötürüshte bir kümüsh médalgha érishti we jemiy 184 kilogiramliq netijisi bilen ikkinchi boldi.
zerda chaghlar 17 yashtin töwen qizlarning 64 kilogiramliqlar musabiqiside, 78 kilogiram éghirliqni yulup kötürüshte kümüsh médalgha érishti. jemiy 173 kilogiramliq netijisi bilen tötinchi boldi.
