tokyo olimpik tenheriket musabiqisi axirlashti
amérika tokyo olimpik tenheriket musabiqiside eng köp médalni qolgha keltürüp birinchi qatardin orun aldi.
türkiye awazi radiyosi xewiri: 113 médalgha érishken amérika tokyo olimpik musabiqiside üstünlükni qolgha keltürdi؛ amérikaliq tenheriketchiler 39i altun, 41i kümüsh we 33i mis médal bolup jemiy 113 qétim mukapat élish üchün sehnige chiqti.
xitay 88 médal bilen ikkinchi boldi؛ xitay tenheriketchiliri 38 altun, 32 kümüsh we 18 mis médal aldi.
sahibxan dölet yaponiye 27 altun, 14 kümüsh we 17 mis médal bilen üchinchilikke érishti.
engliye 22 altun, 21 kümüsh we 22 mis médal bilen tötinchi boldi.
rusiye olimpik komitéti 20 altun, 28 kümüsh we 23 mis médal bilen beshinchi boldi.
71 qétim médalgha érishken rus tenheriketchiler sistémiliq halda qozghatquchi dora ishletkenliki ilgiri sürülgen bolghachqa, dölet komandisi süpitide olimpik tenheriket musabiqisige qatnishalmidi.
médal ret tertipide türkiye 35- boldi؛ ay – yultuzluq tenheriketchilirimiz 2 altun, 2 kümüsh we 9 mis médal bolup jemiy 13 médalgha érishti.
2020 – yilliq tokyo olimpik musabiqisi türkiye eng köp médalgha érishken olimpik tenheriket musabiqisi süpitide tarix sehipiliridin orun aldi.
