amérika waskétbol birleshmisi — NBA musabiqe waqit jedwilige özgertish kirgüzidighanliqini uqturdi
amérika waskétbol birleshmisi — NBA wuxen wirusi (kowid – 19) sewebidin kéchiktürülgen musabiqilerning waqit jedwilining özgertilidighanliqini uqturdi.
türkiye awazi radiyosi xewiri: NBA bayanat élan qilip, kowid - 19 yuqumi sewebidin hazirghiche 22 meydan musabiqining kéchiktürülgenlikini we bu musabiqilerning ötküzülüsh waqitlirida bezi özgirishlerning bolidighanliqini bildürdi.
yéngi waqit jedwilirige asasen, musabiqe mezgilining kéyinki yérimida ötküzülüshi pilanlanghan musabiqilerning köpinchisi aldinqi yérimi axirlishishtin burun oynilidiken.
bu ehwalning tesirige eng köp uchrighan washington wizards komandisi bilen mémfis girizliz komandisi öz komandiliridiki kowid - 19 yuqumlanghuchiliri sewebidin bu peslide 6 meydan musabiqige qatnishalmidi.
bayanatta yene, 20-27-yanwar künliri 492 waskétbolchining salametlik ehwalining tekshürülgenliki, bularning ichide bir ademde yuqum bayqilip karantin qilinghan qeyt qilindi.
