türkiye komandisi bilen wéngriye komandisi bügün musabiqige chüshidu
türkiye döletlik putbol komandisi yawropa putbol fédératsiyeliri birleshmisi (UEFA) B birleshme 3-guruppidiki altinchi we axirqi musabiqiside, bügün (2020-yili 18-noyabir) wéngriye komandisini kütüwalidu.
türkiye awazi radiyosi xewiri: musabiqe enqere waqti 22 din 45 minut ötkende, puskas tenterbiye meydanida bashlinidu. «TRT 1» qanili musabiqini neq meydandin tarqitidu.
musabiqide, slowakiye putbol fédératsiyesining répéri iwan kruzliyak (Ivan Kruzliak) répérliq qilidu. tomas somolani (Tomas Somolani) bilen branislaw xanko (Branislav Hancko) yardemchi répér bolidu.
guruppidiki yene bir musabiqide, rusiye komandisi bilen sérbiye komandisi musabiqige chüshidu. üchinchi guruppida rusiye komandisi 8 nomur bilen birinchi orunda, oxshash nomur bilen wéngriye komandisi ikkinchi orunda, türkiye 6 nomur bilen üchinchi orunda turmaqta.
türkiye döletlik putbol komandisi wéngriye komandisini meghlub qilghanda we rusiye komandisi sérbiye komandisigha utturup qoysa, guruppisida birinchilikni qolgha keltüreleydu.
