tokyo olimpik yighini kéchiktürüldi

türkiye awazi radiyosi xewiri: xelqara olimpik komitéti (IOC) bilen yaponiye bash weziri shinzu abi olimpik yighinini kéchiktürüsh mesiliside, kélishim hasil qildi.

yaponiye bash weziri shinzu abi 2020-yilliq tokyo olimpik yighinining kéler yili (2021) ötküzülidighanliqini élan qildi.

tenheriket yighinining ismi «2020-tokyo» sheklide bolidu.

xelqara olimpik komitétining bashqurush heyiti tokyo olimpik yighini we méyiplar olimpik yighinining «2020-tokyo» nami bilen 2021-yili ötküzülüshini qarar qildi.

xelqara olimpik tenheriket yighini 1896-yilidin tartip bashlanghan bolup, birinchi we ikkinchi dunya urushi mezgilide ötküzülmigen idi. kéchiktürülüshi bolsa tunji qétim körülgen boldi.

xelqara olimpik komitéti bashliqi tomas bax (Thomas Bach) ötkenki künlerde olimpikqa qatnishidighan tenterbiyechiler üchün bir mektup yazghan bolup, mundaq dégen idi:

«insan hayati olimpiklardin hetta hemme nersidin muhim. xelqara olimpik komitéti mesilisini hel qilishning bir parchisi bolushni xalaydu. qarangghu tonélning ichide birlikte ilgirileymiz, emma qanchilik mangidighanliqimizni bilmeymiz. shundaqtimu shuni bilimenki, tonélning bir uchida bizni olimpik meshili kütüwalidu.»