urugway 16 küchlük komandigha kirdi
rusiyede dawamlishiwatqan 2018-yilliq dunya longqisi A guruppidiki musabiqiside rusiye komandisini 0 ge qarshi 3 netije meghlub qilghan urugway, guruppida birinchi bolup 16 küchlük komandigha kirdi.
türkiye awazi radiyosi xewiri: urugway komandisi guruppisida birinchi bolup 16 küchlük komandigha kirdi. rusiye-urugway musabiqisi bashlinip 10 minut ötkende, urugway komandisi rusiye komandisining waratasigha bir top kirgüzdi. 23 minut ötkende urugway mahiri lashaltning sol tereptin tepken topi rusiye mahiri chérishéwgha tégip qangqidi we waratachini ganggiratqan halda waratagha kirdi. chérishéwning öz waratasigha kirgüzgen topi netijiside, urugway komandisi 2 netije bilen üstünlükni igilidi.
90-minutta, urugway mahirining ong tereptiki bulungdin tepken topni godi waratagha qaritip üsti, rusiye komandisining waratachisi akinféw tosuwaldi. biraq qangqip chiqqan topni urugway mahiri kanawi waratagha tépip kirgüzüwetti.
rusiye-urugway musabiqisige qatnashqan türkiye galatasaray putbol kulubining ezasi waratachi musléra 100-qétim urugway komandisining ezasi süpitide musabiqige qatnashti. u dunya longqisida 14 qétim musabiqige qatnashqanliq salahiyiti bilen, ladislawni arqida qaldurup, dunya longqisi tarixida eng köp musabiqige qatnashqan urugwayliq putbol mahiri boldi.
