fenerbahche komandisi kona reqibi réyal madrid komandisi bilen musabiqige chüshidu
fenerbahche doghush waskétbol komandisi ete (28-dékabir) türkiye hawa yolliri yawropa birleshme chémpiyonluqida, ispaniyening réyal madrid komandisi bilen musabiqilishidu.
türkiye awazi radiyosi xewiri: feberbahche-réyal madrid waskétbol musabiqisi ete istanbuldiki ülker tenterbiye zalida enqere waqti 20:45 ötkende bashlinidu. fenerbahche doghush waskétbol komandisi 14 heptilik aylanma musabiqide besh meydan utturup, toqquz meydan utti, guruppisida tötinchi boldi. komanda isirailiyening majjabi foks komandisigha 82 ge qarshi 73 nomur bilen utturup qoyghan idi.
ispaniyening réyal madrid komandisi jemiy sekkiz meydan utup, alte meydan utturdi, guruppida altinchi rettin orun aldi.
fenerbahche komandisi 19-21-may künliri istanbulda hel qilghuch musabiqige chüshken töt küchlük komanda arisida, réyal madrid komandisini 75 gha qarshi 84 nomur bilen yingip chémpiyon bolghan idi.
ikki komanda arisida bügüngiche türkiye hawa yolliri yawropa birleshme chémpiyonluqida ötküzülgen 13 meydan musabiqide, fenerbahche alte meydani, réyal madrid yette meydan utti.
