antep baqlawasi

ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, « antep baqlawasi» ni tonushturimiz.

antep baqlawasining türkiyening rayonlargha xas mehsulatliri tizimlikige kirgüzülgen waqti: 28.03.2005

****** ********* ******

antep baqlawasi؛ türkiyening eng dangliq tatliq türümlirini tilgha alghanda tunji bolup eqillargha kélidighan mehsulati bolup, 2005 – yili ghaziantep sanaet uyushmisining iltimasi bilen türkiyening rayonlargha xas tizimgha élinghan mehsulatliri qataridin orun alghan idi. antep baqlawasining ishlepchiqirilishi uzun yil ustaz-shagirt sheklidiki terbiye muhitida yétilgen maharetlik hünerwenlerning xizmiti bolup,  baqlawa ishlepchiqirishtiki eng muhim amil 4-3 santimétir qélinliqtiki baqlawaning xémirining intayin nipiz teyyarlinishidur.

buning üchün texminen 40-35dane népiz waraq xémir ishlitilidu. baqlawaning ichi «antep piste badami» bilen toldurulidu, andin sériq may we qaymaq ishlitilidu. baqlawa ustiliri aldi bilen sériq mayda yaghlanghan yumilaq yaki töt bulungluq alyumin texsige 20-15dane nipiz yapraq xémirni üsti üstilep tizip, andin eng üstidiki yapraq xémirgha qaymaq sürkep, qaymaqning üstige bolushigha piste badam chachidu. andin uning üstige yene 20-15dane nipiz yapraq xémiri bilen yépilidu. ötkür pichaq bilen baqlawani xalighan shekilde toghrap bolghandin kéyin, üstige éritilgen sériq may tökülidu. yérim saet etrapida duxapkida péshurulghandin kéyin baqlawa duxapkidin chiqishi bilen teng üstige qaynitilghan shiker sherbiti tökülidu we melum mezgil dem yéyishke qoyup qoyulidu.  

bügünki künde antep piste baqlawasidin bashqa yene, yangaqliq baqlawa, qaymaqliq baqlawa türlirimu ishlepchiqirilmaqta. antep baqlawasi hem kündilik istémal üchün hem toy- tökün, ziyapet we héyt bayramlargha oxshash alahide künler üchün kem bolsa bolmaydighan lezzet hésablinidu.