antakya künefesi

türkiye awazi radiyosi: ilker tashqin teripidin teyyarlanghan «türkiyening rayonlargha asasen tizimgha élinghan mehsulatliri» namliq sehipimizning bu heptilik sanida, «antakya künefesi» ni tonushturimiz.

antakya künefesining tizimlitish waqti: 14.04.2006

 türkiyening aqdéngizdiki sahil sheherliridin biri bolghan xatayning antakya nahiyesi özining ismi bilen atalghan alahide tatliq türüm bilen meshhur. 2006 - yili antakya soda-sanaetchiler birleshmisining iltimasi bilen türkiyening rayonlargha xas tizimgha élinghan mehsulatliri qatarigha kirgüzülgen antakya künefesi üchün türkiyede ishlepchiqirilidighan pishlaq, sériq may we sherbet ishlitilidu. bu tatliq türüm chong we yumilaq texsige ikki qewet sim kadayif arisida künefe pishliqini pishurup, köngüldikidek tatliq sherbitini ilawe qilish arqiliq teyyarlinidu. texsining chong -kichikliki istémal qilinidighan kishi sanigha asasen oxshash bolmaydu. antakya künefesining qélinliqi texminen 2-1 santimétir kélidu. qiziq yéyilidighan bu tatliq türüm istémal qilinish jeryanida, ichidiki pishlaqning talalinip sozulushi kütilidu. ishlitilgen tuzsiz pishlaqning saqlash mudditi 2-3 kün bolghachqa, ishlepchiqirish jeryanida choqum yéngi pishlaq bolushi shert. kona pishlaq antakya künefesining temining buzulushigha seweb bolidu. antakya künefesi türkiyede ishlepchiqirilidighan bashqa pishlaqliq tatliq türümlerdin shekli, renggi, terkibi, teyyarliqi we istémal usuli jehetteperqliq bolidu. bashqa pishlaqliq tatliq türümlirige oxshimaydighan teripi, antakya künefesining üsti we asti yüzi ayrim -ayrim pishurulidu. bu alahide ustiliq telep qilidighan bir jeryan. tatliq halgha keltürüsh jeryani, künefe péshurulghandin kéyin, sherbet qoshush arqiliq élip bérilidu. bu tatliq türüm omumen üstige piste chéchip, qaymaq yaki marozhna bilen birge sunulidu.