chet el tili öginimen, chünki...

türkiye awazi radiyosi: «bir til, bir adem, ikki til, ikki adem» dégen türk maqal-temsili chet tili öginishning ehmiyitini nahayiti yaxshi xulasilep béridu... 20-esirning bashlirida, witgénshtéyn «tilimning chéki dunyamning chégrasini belgileydu» déyish arqiliq tepekkurning cheklimisini sizishqa urunghanidi. derweqe, til arqiliq ipadilengen hemme nerse tepekkurning mehsuli bolghinidek, oylinghanni bayan qilishmu til bilen munasiwetlik... dewrimizde tejribe, sergüzüshte yaki weqelerni oxshimighan tillarda ipadileshning dunyaning chégralirini qanchilik kéngeytidighanliqi intayin éniq.

*  *  *  *

ana til adem ögenmeydighan, emma bashqa nurghun nersilerge oxshash érishilidighan bir hadise. bowaqlar til ögenmeydu, belki uninggha érishidu. biz ana til arqiliq dunya bilen tonushup, yéqin muhitimiz bilen alaqe qilimiz. her qandaq janliqqa oxshash bizni yashash imkaniyitige ige qilidighan bu iqtidar, medeniyet bügün yétip kelgen nuqtini nezerde tutqinimizda, izchil bezi yéngilanmilargha mohtaj.

*  *  *  *

zamanimiz dunyasi herqandaq jayda we her waqit alaqini mumkin qilidu. her sékuntta milyardlighan mezmun dunyaning herqaysi bulung-puchqaqlirigha yétip baridu. buningdin yüz yil ilgiri firansuz tili ortaq til dep qaralghan bolsa, bügünki künde ingliz tili munazire telep qilmaydighan dunya tili. bügünki dunyada yüz bériwatqan ishlarni yéqindin közitish nahayiti asan؛ intérnétning yardimide, dunyaning her qaysi bulung-puchqaqlirigha baralaymiz. kichik chéghidila chet el tili öginishni bashlashning rohiy paydisidin bashqa, fiziyologiyelik paydilirimu tetqiqatlar arqiliq ispatlandi.

*  *  *  *

men chet el  tili emes, belki chet el tilliri öginiwatimen, chünki dunyada yüz bériwatqan ishlarni waqti-waqtida yéqindin közitip turimen, déyish zörür boluwatqan künlirimizdin yaxshi paydilinishimizgha tilekdashmen.