türkiye tarixida tunji qétim qatnashqan xelqaraliq olimpik tenheriket musabiqisi

türkiye jumhuriyiti tarixida qatnashqan tunji xelqaraliq musabiqining 1924-yildiki parizh olimpik tenheriket musabiqisi ikenlikini bilemsiz?

türkiye jumhuriyiti tarixida tunji qétim qatnashqan dunya boyiche eng chong xelqaraliq musabiqe, 1924-yili parizhda  ötküzülgen olimpik tenheriket musabiqisidur. yéngi türkiye döliti olimpik tenheriket musabiqisini dunya miqyasida tonulushning yaxshi teshwiqat qorali dep qaraydu. musteqilliq urushidin kéyin, türkiye bayliq menbelirining yétersiz bolushigha qarimay, putbol, chélishish, yénik atlétika, qilichwazliq we wélisipit minish qatarliq türler boyiche 40 tenheriketchini parizhgha ewetidu.

1936-yilliq yazliq olimpik tenheriket musabiqisige, türkiyelik komandilar qatarida tunji qétim türk ayal tenheriketchilermu qatnishidu.

ikkinchi dunya urushi harpisida,  bérlinda «natsizim» idiologiyesi we adolf gitlérning kölenggisi astida ötküzülgen 11-nöwetlik olimpik tenheriket musabiqisige, türkiyedin ikki ayalni öz ichige alghan 60 tenheriketchi qatnishidu, hemde türkiye olimpik tenheriket musabiqisi tarixidiki deslepki médallarghimu mushu yerde érishidu.

olimpik tenheriket musabiqisi tarixida tunji bolup sehnige chiqqan türkiye tenheriketchisi erkin chélishish mahiri mersinliq ehmet kirechchi bolup, u shu qétimqi musabiqide mis médalgha érishidu.

yashar erkan chélishish türide chémpiyon bolidu. bu, olimpik tenheriket musabiqisi tarixida türkiye qazanghan hem tunji ghelibe hem tunji altun médal hésablinidu.

mustapa kamal atatürk buningdin xewer tapqan haman, yashar erkangha derhal télégramma yollap, ghelibisi tebrikleydu: «özingiz kichik bolsingizmu, emma dölet üchün nahayiti zor shan - sherep keltürdingiz, ismingiz emdi türkiyening tenterbiye tarixi bilen bir gewdiliship ketti, yashap kéting!»

türkiye jumhuriyitining deslepki yilliridin bashlapla türkiyelik tenheriketchilerning dunyadiki eng chong olimpik tenheriket musabiqilirige qatnishishi, türkiyening tenterbiye tarixi jehettin nahayiti zor ehmiyetke ige.

uzun yillar urushning kölenggisi astida qalghan türkiyening tenterbiye sahesining tereqqiy qilishida, türk tenheriketchilerning xelqaraliq olimpik tenheriket musabiqilirige qatnishishi türtkilik rol oynidi.

mustapa kamal atatürkning rehberlikide qurulghan türkiye jumhuriyiti, her sahedikige oxshashla tenterbiyeni qollash arqiliqmu özining zamaniwi bir dölet ikenlikini pütkül jahangha namayan qildi.