quruq hötelni tebiiy dawalash usulliri

(doktor mehmet uchar)

öyde quruq hötelni eng yaxshi shekilde tebiiy dawalash usulliri töwendikiche:

hesel

her xil hötelge ishlitilidighan hesel, eng qedimki hötelni toxtitish doriliridin biri hésablinidu. hesel, zenjiwil, limon, darchin we qarimuch arilashmisi hem kékirdek ghidiqlinishning aldini alidu, quruq hötelni peseytidu. hesel tebiiy yallugh qayturush roligha ige bolup, her xil yuqumluq késelliklerni dawalashtimu ünümlük rol oynaydu.

zenjiwil

ashqazan iqtidari qalaymiqanlishish késelliklirige shipa bolghan zenjiwil quruq hötelgimu paydiliqtur. zenjiwil nepes yolliridiki muskullarni boshitish arqiliq hötelni basidu. hesel arilashturup «zenjiwil chéyi» sheklide istémal qilishqimu bolidu.

samsaq

baktériye öltürüsh we wirus yoqitish roli sayisida zukamning alamiti süpitide körülidighan quruq hötelge shipa bolidu.

zerchiwe

yallugh qayturush xususiyitige ige bolup, quruq hötelni toxtitishqa ishlitilidu. zerchiwe ziqqa, quruq hötel qatarliq késelliklerning alametlirini peseytishke yardem béridu. hesel arilashturup chay demlep ichip bergende, yaki hesel bilen arilashturup mejun qilip istémal qilghanda quruq hötelge payda qilidu.

tuz süyi

tuz süyi bilen gher-gher qilish kékirdektiki yuqumlinishning aldini alidu we kékirdekning nemlikini saqlashqa yardem béridu. quruq hötelni peseytish üchün tuz süyidin paydilinip, quruq hötel keltürüp chiqiridighan kékirdek ghidiqlinishning aldini alalaysiz.

ösümlük chayliri

ösümlük chaylirini hesel we limon arilashturup ichip bergende, quruq hötelni peseytkili bolidu. pinne, chöl reyhini, sériqbuya, doriliq leyligül we zenjiwil qatarliq ösümlüklerning chaylirini istémal qilish quruq hötelge paydiliq.

marjangül

chöl reyhini ailisige tewe shipaliq ösümlük bolup, ziqqa, kanayche yallughi we zukam qatarliq késelliklerge ishlitilidu. u yene bu késellikler bilen munasiwetlik quruq hötelnimu peseytidu. töt chay qoshuqi qurutulghan marjangül yiltizini qaynaq suda demlep, künde ikki qétim ichip bergende, hötelni peseytkili bolidu.

sériqbuya

yutqunchaq aghriqini peseytish we kékirdekning nemlikini saqlashqa ishlitilidighan bolup, quruq hötelge paydiliqtur. ikki qoshuq qurutulghan sériqbuyani qaynaqsuda 10 minut demlep, süzüp istémal qilsingiz bolidu. sériqbuyaning miqdari nahayiti muhim bolup, uzun muddet ishletkende bash aghrish we harghinliqni keltürüp chiqirishi mumkin.

doriliq leyligül

yutqunchaq aghriqini peseytish we kékirdekning nemlikini saqlashqa ishlitilidu. adette qiyam yaki tablétka sheklide istémal qilinidighan doriliq leyligül quruq hötelge paydiliq bolup, kékirdek ghidiqlinishningmu aldini alidu.

chöl reyhini

 kékirdektiki muskullarni boshitishtek shipaliq roli sayisida quruq hötelge payda qilidu. töt qoshuq qurutulghan chöl reyhinini qaynaqsuda demligendin kéyin, hesel ilawe qilip ichip bergende quruq hötelni peseytkili bolidu.

quruq hötelni tebiiy dawalashning bashqa usulliri:

 köp su ichish  we tumanlashturulghan hor issiqni sümürüsh kékirdekning nemlikini saqlap, quruq hötelni yenggillitidu.

öyde yötelni eng téz peseytküchi ichimlikler

alma chéyi

terkibidiki witamin C ning tesiride nepes yollirini qalaymiqanlashturuwétidighan belghemni yumshitip, hötelge payda qilidu.

süt

sütni issitqandin kéyin, hesel qoshup ichip bérish arqiliq kékirdektiki ghidiqlinish we hötelning aldini alghili bolidu. isiq süt kékirdekni tinchlandurup, hötelni toxtitidu.

 zenjiwil chéyi

1 istakan qaynaq sugha muwapiq miqdarda zenjiwil talqini bilen birqanche tal qowzaqdarchin we qelempur qoshup, xalighanlar hesel ilawe qilip, 5-6 minut demlep ichip bergende, hötelni eng téz toxtatqili bolidu.

buningdin bashqa yene, yötelni eng téz peseytküchi shipaliq ösümlük chayliri we ichimlikler töwendikiche:

• gülsurux chéyi

• béhi chéyi

• lipa chéyi

• chöl yalpuzi chéyi

• pinne chéyi

• échinaséye chéyi

• hesel qoshulghan chöl reyhini chéyi

• hesel qoshulghan issiq süt

• badamliq apélsin sherbiti

• zenjiwil we darchin chéyi

• qarimuch we hesel

• üjme sherbiti

• chamghur we hesel arilashmisi

• üzüm sherbiti