chamlija jamesii

dunya boyiche eng chong jamelerdin birining istanbulgha jaylashqanliqini bilemsiz?

türkiyening birla waqitta 63 ming kishi sighidighan eng chong jamesii bolghan chamlija jamesi, dunyadiki eng chong 13- jame hésablinidu. istanbulning üsküdar nahiyesi chégraliri ichidiki chamlija égizlikige jaylashqan bu jamening qurulushi 2013-yili bashlanghan, 2019-yili 5-ayning 3-küni xizmetke kirishtürülgen bolup, yer kölimi 57 ming 500 kiwadrat métir kélidu.

chamlija jamesining layihesini hayriye gül toto we bahar mizraq xanimlar pilanlighan. jümlidin bu ayal binakarlar jameni 63 ming kishi birla waqitta ibadet qilalaydighan, shundaqla ayallar jamede bimalal ibadet qilalaydighan shekilde qurup chiqishni pilanlighan.

bu layihening eng axirqi nusxisini mémar haji mehmet güner teyyarlighan. layiheligüchiler yer tewresh éhtimalliqini közde tutup, jamening qurulushini tebiiy apet yüz bergen ehwalda 100 ming kishi sighalaydighan shekilde tamamlighan.

égizliki 72 métir kélidighan jamening asasliq gümbizi istanbulda yashaydighan 72 milletke, diyamétiri 34 métir kélidighan gümbizi istanbulgha simwol qilinghan.

chong chamlija jamesii dunyadiki eng chong derwaziliq ibadetxanilardin biri bolup, chong derwazisining kengliki 5 métir, égizliki 6.5 métir, éghirliqi 6 tonna kélidu.

bu jamening qorusi muzéy, senet sariyi, kutupxana, ming kishilik yighin zali, 8 hüner - senet séxi we 3500 aptomobilliq aptomobil toxtitish meydanidin teshkil tapidu.

chamlija jamesii échilghandin buyan, yerlik we chet ellik milyonlarche kishi teripidin peqet ibadet üchünla emes, sayahet meqsitidimu ziyaret qilinmaqta.