anadolu agéntliqi

türkiye jumhuriyitining resmiy xewer agéntliqi bolghan anadolu agéntliqining türkiye jumhuriyiti élan qilinishtin burun qurulghanliqini bilemsiz?

anadolu agéntliqi türkiye jumhuriyiti tarixida intayin muhim orun tutidu. birinchi dunya urushidin kéyin osmanli impériyesi zéminlirining ishghal qilinishi bilen bashlanghan milliy musteqilliq urushi mezgilide, 1920-yili 4-ayning 6-küni qurulghan anadolu agéntliqi milliy musteqilliq urushining her bir basquchigha, türkiye jumhuriyitining élan qilinishigha we türlük islahat heriketlirige shahit boldi.

1920-yili 3-ayning 16-küni istanbul ishghal qilinghandin kéyin , bu yerdiki ziyaliylar milliy küreshke qatnishish yolini tallap, enqerege baridu. bu ziyaliylarning ichide zhurnalist yunus nadi, zhurnalist we yazghuchi xalide edip qatarliqlarmu bar idi.

milliy musteqilliq urushi mezgilide, keng xelq ammisigha özgirishlerni eng toghra usulda bildürüsh, bu küreshning heqqaniyliqini pütkül dunyagha élan qilish zörür idi. bu meqsette tetqiqat élip bérishqa bashlighan xalide edip bilen yunus nadi bir xewer agéntliqi qurush toghrisidiki oy – pikirlirini mustapa kamal atatürkke yetküzidu.

mustapa kamal atatürk milliy azadliq urushining bashliridila axbarat wasitilirining muhimliqini chongqur chüshinip yetken, bu meqsette gézit chiqirish üchün heriketke ötkenidi.

 shundaq qilip, anadolu agéntliqi türkiye jumhuriyitining qurulushi basquchida, türkiye büyük millet mejlisi (parlaménti) échilishtin 17 kün burun, 1920-yili 4-ayning 6-küni, mustapa kamal teripidin élan qilinghan qararnamege asasen paaliyetlirini bashlaydu.

anadolu agéntliqi 1925-yili 3-ayning 1-küni «anadolu agéntliqi türkiye pay cheklik shirkiti» ning qurulushi bilen zamaniwi axbarat orginigha aylinidu.

shuning bilen, anadolu agéntliqi eyni waqittiki misli körülüp baqmighan musteqil axbarat orginigha alinidu.

anadolu agéntliqi shuningdin bashlap resmiy axbaratchiliq paaliyetlirini izchil dawamlashturup kelmekte.