wan béliqi

türkiyening yerlik béliq türlirining nahayiti mol ikenlikini bilemsiz?

gerche türkiyening yer kölimi dunya yer ölchimining mingdin beshichilik kelsimu, emma dunyadiki béliq türlirining % 2.9 i türkiyede yashaydu. bashqiche éytqanda, béliq türliri jehette türkiyening béliq türliri dunyaning yer ölchimi ülüshidin alte hesse köp.

türkiyening yerlik béliqlirining muhim bir qismi adette köller we éqinlarda yashaydu. türkiyening eng dangliq yerlik béliqi bolsa wan béliqi hésablinidu. yépiq oymanliq bolghan wan kölide her yili 15 ming tonna etrapida béliq tutulidu. wan köli etrapida yashaydighan texminen 14 ming kishi bu béliqchiliq kespiyge tayinip tirikchilik qilidu.

wan kölide yashaydighan milyardlighan béliqlar her yili etiyazliq köchüsh mezgilide pewquladde körünüshlerni hasil qilidu. wan kölining süyide yashaydighan we 4-ayning otturilirida tuxumlirini qaldurush üchün seperge atlinidighan bu béliqlar, japaliq seperdin kéyin wan kölige qoyulidighan éqinlarda tuxumlaydu. tuxum qaldurush üchün éqingha qarshi goya uchqandek tatliq sulargha aqidighan béliqlarning bu kürishi, tamashibinlar üchün pewquladde körünüshlerni hasil qilidu. her bir béliqning qorsiqida 10 ming tuxum bar bolup, tuxumlashtin burun tutulghan her bir béliq dunyagha kelgüsi 10 ming yéngi béliqning yoq qilinghanliqidin dérek béridu. béliqlar tuxumlighan we  75 künlük seperdin kéyin kölge qaytip kélidu.

1996-yildin buyan wan béliqini qoghdash toghrisida muhim xizmetler ishlenmekte. minglighan kishiler erjish-delichay béliq bazisidiki bu yerlik béliqlarni közitish üchün qurulghan közitish sahesige yighilip, wan béliqlirining köchüsh sepirini közitidu. buningdin bashqa yene, erjish béliqchiliq bazisida xelqara wan béliqlirining köchüsh sepirini közitish medeniyet-senet féstiwalimu ötküzülidu.