italiyening ‹eqliy iqtidarliq arili› aqdéngizgha ülge bolmaqta

italiyening toskana rayonigha jaylashqan, éléktr éhtiyajini pütünley  qayta hasil bolidighan énérgiye bilen qanduridighan, yamghur süyi adette déhqanchiliq ishlirigha ishlitilidighan, organik déhqanchiliq we béliqchiliq paaliyetliri yolgha qoyulidighan eqliy iqtidarliq kapraya arili sijil tejribiliri bilen aqdéngizdiki bashqa arallargha ülge bolmaqta.

italiye chong quruqluqidin 30 kilométir yiraqliqqa jaylashqan bu aralda yolgha qoyuluwatqan eqliy iqtidarliq aral kapraya layihesi dairiside, - pütünley izchilliqni saqlash meqsitide paaliyet élip baridighan aral ahaliliri,

- éléktr éhtiyajini qayta hasil bolidighan énérgiye menbeliridin qamdaydu,

- déhqanchiliq ishlirida we öyliride yamghur süyi ishlitidu,

- araldiki déhqanchiliq we béliqchiliq paaliyetlirini organik usulda qanat yaydurushqa tirishidu.

chong quruqluqtin xélila yiraq bolghachqa, uzun yilllardin buyan mehbuslar ewetilidighan we déhqanchiliqqa ishlirigha sélinidighan dala türmisi süpitide ishlitiliwatqan bu aral 1986-yilidin kéyin sayahetchilerge échiwétildi.

aralgha chong quruqluqtin ulinidighan tok yetküzüsh liniyesi bolmighachqa, bu paydisiz ehwalni paydiliq ehwalgha aylandurup, aralning tok éhtiyajini qayta hasil bolidighan menbeler arqiliq qandurush üchün qedem tashlandi.

bu meqsette shimaliy yawropadin keltürülgen mayliq danliq ösümlüklerdin biyo dizél hasil qilindi, bu tokqa aylanduruldi. yerlik hökümet aralning herqaysi jaylirigha quyash énérgiyesi bataréyesi orunlashturdi.

bu araldiki  omumiy sighimchanliqi 126 ming kub métir kélidighan ikki tarixiy su oymanliqi yamghur süyini saqlashqa ishlitilidu.

béliqchiliq sahesige jaylishishtek ewzellikining türtkiside sanaet qurulushliridin yiraq bolghanliqi we béliqchiliqta antibiyotiklar ishlitilmeydighanliqi seweblik, eqliy iqtidarliq bu aral organing mehsulat guwahnamisigha ige.

eqliy iqtidarliq aral kapraya layihesi yawropa komitéti teripidin sijil we aylanma iqtisad sahesisde ülge yaratqanliqi üchün mukapatlandi.

aralning yerlik ahalisi bu aral 80- we 90-yillarda ziyaretchilerge échiwétilgende bu yerge sélinidighan sélinmilarni ret qilip, aralning tebiiy qurulmisi we janliqlarning köp xilliqini qoghdap qalghanidi.

bu heqte nahayiti köp tirishchanliq körsitish netijiside, yillarning ötüshige egiship,  déngiz bürkütliri, aqdéngiz yilpizliri aralgha qaytip kélishke bashlidi.