qan kemlik késilini tebiiy dawalash usulliri

(doktor mehmet uchar)

qan kemlik bedende organizm we toqulmilargha yéterlik miqdarda oksigén yetküzüsh üchün zörür bolghan saghlam qizil qan hüjeyrisi bolmighan ehwal astida otturigha chiqidu. qizil qan hüjeyrilirining sani aziyip ketkende qan kemlik kélip chiqidu.

qan kemlik késilining sewebliri töwendikiche:

• bedende yéterlik qizil qan hüjeyrisi ishlepchiqirilalmasliq,

• qanash sewebidin qizil qan hüjeyriliri sanining téximu köp aziyip kétishi,

• bedendiki qizil qan hüjeyrilirining normal waqittikidin téximu qisqa waqit ichide buzulushi,

qan kemlik késilini dawalash qan kemlikning türi, tereqqiyati we éghir-yéniklikige qarap oxshash bolmaydu. dawalashning asasliq meqsiti qan kemlikni keltürüp chiqarghan késellikni yoqitish. tömür kemlik we yopurmaq kislatasi keltürüp chiqarghan qan kemlik késilini dawalash üchün qizil gösh istémalini ashurush kérek.

buningdin bashqa yene, doxturning tewsiyesige asasen töwendikidek yéshil köktat we méwe – chiwilernimu istémal qilish kérek:

yéshil köktat

yémek - ichmeklirimizge ozuqluq qimmiti yuqiri yéshil yopurmaqliq köktatlarni ilawe qilishimiz kérek. bu yopurmaqliq köktatlar palek, yésiwilek, qara yésiwilek we chong yopurmaqliq qizilcha qatarliqlarni öz ichige alidu. jümlidin bu yopurmaqliq köktatlar omumiy saghlamliqimizni qoghdash we uzuqluqimizgha tömür we witamin C ilawe qilish jehettin intayin muhimdur.

 temi achchiq- chüchük méwe - chiwe we köktatlar

terkibide tömürni sümürüshke yardem béridighan witamin C mol bolghanliqtin, temi achchiq- chüchük méwe - chiwe we köktatlar qan kemlik késilige giriptar bolghanlar üchün intayin muhim. temi achchiq- chüchük méwe - chiwe we köktatlar apélsin, limon, anar, örük, üzüm we achchiq apélsin qatarliq ösümlüklerni öz ichige alidu.

purchaq

purchaq, qizil chécheklik kök purchaq, yéssi purchaq, noqut, choka purchaq  we kök purchaq qatarliqlar tömürning eng yaxshi menbesidur.

aptapperes uruqi

(kawa uruqi we aptapperes uruqi qatarliq) qattiq postluq méwe - chiwiler we uruqliri saghlam ozuqlinish toluqlimisi hésablinidu.

berengge

berengge tömür éhtiyajni téximu köp qandurushqa bolidighan ésil uzuqluqtur.

qizilcha

qan kemlik késilige shipaliq köktat bolup, terkibide tebiiy tömür mol bolghachqa, qandiki gémoglobinning sanini ashurushqa yardem béridu. shunglashqa, uzun muddet istémal qilghanda, qandiki oksigénning miqdari tedrijiy köpiyidu.

qizilchani pishurup yaki xam salat süpitide istémal qilishqa bolidu. ézip, sherbet yasap istémal qilishqimu bolidu.

siyadan    

tömür kemlik üchün paydiliqtur. siyadanning  terkibidiki tömürning miqdari yuqiri bolghanliqtin, qan kemlik késilini dawalashta toluqlima süpitide istémal qilishqa bolidu.

palek we kerepshe

qan kemlik adette qanning aylinishi adem bedinide yéterlik miqdarda gémoglobin ishlepchiqiralmasliqi sewebidin, qan terkibidiki yopurmaq kislatasining kemlikidin kélip chiqidu. palek we kerepsheni tertiplik halda istémal qilish arqiliq bundaq tébbiy mesililerni hel qilghili bolidu. bu yéshil yopurmaqliq köktatlar witamin B12, yopurmaq kislatasi we bashqa muhim ozuqluq maddilarning tebiiy menbesidur. bu köktatlar kündilik uzuqluqning bir qismigha aylandurulghan teqdirde, nahayiti qisqa waqit ichide yaxshi ünümge érishkili bolidu.

banan

bananning terkibide zörür bolghan ozuqluq maddilar, witamin C, folik kislatasi, kaliy we tömür qatarliq maddilar moldur. bananni yéshil halitide yaki pishqanda istémal qilghanda tömür miqdarini körünerlik ashurushqa bolidu.

  xorma, quruq üzüm we enjür

quruq üzüm bilen xorma witamin C we tömürning yaxshi menbesidur. witamin C immunitét küchini ashurushqa yardem béridu, bu arqiliq bediningizning tömürni téximu ünümlük sümürüshige yardem béridu. enjür tömür menbesi bolup, terkibide witamin A, magniy we yopurmaq kislatasi moldur. etigende her hepte kem dégende üch qétim bir tutam enjür, xorma we quruq üzüm istémal qilghanda, gémoglobin miqdarini ashurghili bolidu.

 qara künjüt

qara künjütning terkibide tömür maddisi moldur. halsizliq we qan kemlik késilige giriptar bolghanlargha qara künjüt tewsiye qilinidu.