untughaqliq késilini tebiiy dawalash usulliri

(töwende, doktor mehmet uchar)

untughaqliq késilini tebiiy dawalash usulliri töwendikiche:

chöl yalpuzi 

chöl yalpuzi este tutush qabiliyitini östüridighan chong méngige paydiliq shipaliq ösümlüktur. achchiq puraqliq ösümlük bolghan chöl yalpuzi bilish iqtidarini yuqiri kötürüp, alzimér késellikini dawalashqa yardem béridu. 2017-yili élan qilinghan tetqiqat doklatigha asaslanghanda, chöl yalpuzining terkibide bilish we nérwa iqtidarini yaxshilashqa paydiliq maddilar bar iken.

zerchiwe

zerchiwe  ayrud tébabitide uzundin buyan ishlitiliwatqan tétitqudur. uning terkibide «kurkumin» dep atilidighan birikme madda bar bolup, chong méngining saghlamliqi we omumiy saghlamliqqa paydiliqtur.

2010-yili élan qilinghan tetqiqat netijisige qarighanda, zerchiwe chong méngining saghlamliqini ashurudiken we méngini tazilash arqiliq alzimér késellikining aldini alidiken. shundaqla chong méngidiki nérwa hüjeyrilirining buzulushining aldini élish arqiliq chong méngining saghlamliqini qoghdaydiken.

zerchiwe yumghaqsüt we zire qatarliq dora-dermeklerning terkibidiki birikme maddilarnimu öz ichige alidighan shipaliq ösümlüktur. zerchiweni téximu köp istémal qilish üchün qorumilar, shorpilar we köktat taamlirigha zerchiwe ilawe qiling. zerchiwening sümürülüshini ashurush üchün, zerchiwe qoshulghan taamliringizgha bir nechche tal qarimuch ilawe qiling.

 aqshakal

uzundin buyan déwenglik késilini dawalashta ishlitiliwatqan aqshakal xitayning eneniwi tébabitide keng qollinilidighan dora bolup, paydiliri bilen dangliqtur.  aqshakal qan aylinishni rawanlashturush we méngide qan aylinishni ilgiri sürüsh arqiliq bilish iqtidarini yaxshilashqa yardem béridu.

ademgiyah

ademgiyah este tutush qabiliyitini yoqitish we yashning chongiyishigha egiship körülidighan este tutush qabiliyiti töwenlep kétishning aldini élishtek shipaliq roli sewebidin, este tutush qabiliyitini östüridighan eng yaxshi ösümlüklerdin biridur. jümlidin ademgiyah doriliq  ösümlükler bilen dawalashta eng alqishqa érishken shipaliq ösümlüklerdin biridur.

badrenjibuya

daim chay sheklide istémal qilinidighan we teshwish hem uyqusizliqni peseytish üchün ishlitilidighan bir shipaliq ösümlük bolghan badrenjibuya bilish iqtidarini yaxshilashqa yardem béridu. bezi tetqiqatlarda otturigha qoyulushiche, badrenjibuya este tutush qabiliyitini yoqitish késili üchün eng shipaliq ösümlük iken.

yéshil chay

yéshil chay her xil késelliklerni dawalashta ishlitilidu. yéshil chayning paydiliri nahayiti köp bolup, bulardin biri untughaqliq késilige shipadur. yéshil chay terkibidiki birikme maddiliri sayisida este tutush qabiliyitini kücheytidu.  shunga choqum yéshil chay ichish tewsiye qilinidu. qisqisi, yéshil chay hem intayin mezzilik hem untughaqliq késilige shipaliq bir ösümlüktur.

anar sherbiti

eger siz daim untughaqliq azabini tartiwatqan bolsingiz, anar sherbitini istémal qilsingiz bolidu. derweqe, anar sherbiti nahayiti shipaliq bolup, ménge hüjeyrilirini qoghdaydu we nérwa hüjeyrilirini eslige keltüridu. bu arqiliq untughaqliqni keltürüp chiqiridighan amillarni yoqitidu. shunga untughaqliq késilige giriptar bolghan kishiler anar sherbitini xatirjem istémal qilsa bolidu.

pemidur

pemidurning terkibide köp miqdarda «likopén» dep atilidighan birikme madda bar bolup, este tutush qabilitini barliq selbiy amillardin qoghdaydu. shu wejidin, untughaqliq késilige giriptar bolghan kishilerge pemidur istémal qilish tewsiye qilinidu. pemidur bedenni barliq erkin radikallardin qoghdaydu we méngining iqtidarini yaxshilaydu. shundaqla sizni téximu küchlük  este tutush qabiliyitige ige qilidu.

qizil éyqüzümi 

qizil éyqüzümi hem este tutush qabiliyitini kücheytidu hem zéhinni urghutup keypiyatni tengsheydu. untughaqliq késilige giriptar bolghan kishilerning istémal qilishi zörür bolghan qizil éyqüzümi chong méngini her xil bésimlardin qoghdaydu.

palek

tömür terkibi eng mol uzuqluqlardin biri bolghan palekning terkibide yopurmaq kislatasimu bar. yopurmaq kislatasi este tutush qabiliyitini kücheytip, keypiyatni tengsheydu. heddidin ziyade untughaqliq qatarliq mesililiringizni palek arqiliq hel qilalaysiz. palek méngidiki untughaqliqni keltürüp chiqidighan amillarni yoqitidu.

 yangaq

yangaq terkibidiki oméga -3 yagh kislataliri sayisida untughaqliqning aldini alidu we este tutush qabiliyitini kücheytidu. shu wejidin, bir tutamdin éship ketmeslik sherti bilen künige yangaq we orman yangiqi qatarliq  quruq yel - yémish istémal qilishqa sel qarimasliqingiz kérek.

 darchin

darchin peqet puriqi bilenla este tutush qabiliyitini kücheyteleydighan möjiziwi yshipaliq uzuqluqlardin biridur. bu heqte élip bérilghan nurghun tetqiqatlar netijiside ispatlinishiche, darchinning puriqi méngige aktip tesir körsitip, zéhinni achidiken, hemde diqqetni merkezleshtürüsh qabilitini ashuridiken. buningdin bashqa yene, terkibide nurghun minéral maddilar bolghanliqi üchün, darchin istémal qilish intayin muhim iken. xalisingiz taamliringizning üstige darchin talqini sépip istémal qilish arqiliq, xalisingiz qowzaq darchinni demlep ichish arqiliq darchinning özgiche shipaliq rolidin paydilansingiz bolidu.