jigerni may qaplap kétishning aldini élishning tebiiy chare - tedbirliri

(doktor mehmet uchar)

nachar uzuqlinish aditi, heriketsizlik, sémizlik, diyabét késili, haraq ichish, qalqansiman bézining az heriket qilishi qatarliq sewebler tüpeylidin jigerni may qaplap kétish mesilisi  barghanséri éghirlashmaqta.

jigerde yighilip qalghan artuq yagh ​​jiger qétishishtin yürek késellikige qeder nurghun éghir késelliklerge zémin hazirlaydu.

· ozuqlinishqa diqqet qiling

tertiplik ozuqlinish, téz tamaq, un mehsulatliri we tatliq yémeklikler qatarliq yémekliklerdin yiraq turush jigerni may qaplap kétish nisbitini töwenlitidu. künde yéngi köktat, méwe – chiwe, aq gösh we talaliq yémekliklerni istémal qilishmu intayin muhim.

bolupmu jigerdin zeherlik maddilarni chiqirishqa yardem béridighanliqi üchün, öz pesilde tatliq zenjiwil istémal qilish intayin paydiliqtur. piyaz, yésiwilek we brokolimu jigerni quwwetleydu.

eger beden éghirliqingiz körünerlik éship ketken bolsa, ٪10 oruqlishingiz jigiringizge aktip tesir körsitidu.

aqdéngizliqlarning uzuqlinish aditi boyiche saghlam maylar, béliqlar we köktatlarni köp, göshni az istémal qiling. pishshiqlap ishlengen yémekliklerni istémal qilishni azaytip, qentlik ichimliklerdin saqlining.

köp miqdarda köktat, képeklik, danliq ziraet mehsulatliri we uruqliri qatarliq talaliq yémekliklerni köp istémal qiling.

•  oméga-3 yagh kislataliri

zeytun yéghini ishlitishke, salmon béliqi we sardina béliqi qatarliq yaghliq béliqlarni heptide ikki- üch qétim istémal qilishqa sel qarimang. xam orman yangiqi, xam badam, xam méghiz we xam danliq ziraetlerni her küni istémal qiling. zörür bolghanda oméga-3 toluqlimisini suyuqluq dora sheklide ichish jigerdiki yagh xoléstérinning sewiyesini töwenlitidu.

· haraqtin qetiy saqlining

haraq jigerge eng köp ziyan yetküzidighan amillardin biri. haraqning tesiride bedende yighilip qalghan zeherlik maddilar jigerni may qaplap kétish we arqidin otturigha chiqidighan jiger qétishishning kéyinki tereqqiyatini tézlitidu, jangha zamin  bolidighan késelliklerni keltürüp chiqiridu. shunga, haraqtin qetiy saqlinish kérek.

• tertiplik chéniqish kérek

her küni kem dégende 30 minut heriket qilish we chéniqish qan aylinishni ashurup, insulin qarshiliqi we qorsaq qismida yighilip qalghan mayni azaytidu.bu arqiliq  jigerde yighilip qalghan mayning miqdari aziyidu. shu wejidin, kündilik hayatta tertiplik méngish aditini yétildürüsh kérek.

• qerellik halda doxturgha körününg

diyabét, qalqansiman bezning rolini toluq jari qilduralmasliqi we yuqiri xoléstérin bimarlirining her 6 ayda bir qétim doxturgha körünüshi nahayiti muhim. bu késelliklerni öz waqtida dawalash jigerni may qaplap kétish we bu késellikning téz tereqqiy qilish nisbitini töwenlitidu.

• künde bir istakan qehwe iching

kofféinning jigerge paydiliq ikenliki ilmiy tetqiqatlar arqiliq ispatlandi. bu belkim uning yallugh qayturush rolidin yaki jigerni may qaplap kétishni chekligenlikidin bolushi mumkin.

her küni bir istakan qehwe ichidighanlarning jiger késellikige giriptar bolush nisbiti qehwe ichmeydighanlargha qarighanda az bolidu.

• xoxa ösümlüki istémal qiling

xoxa ösümlüki bilen dawalash jiger késelliklirini eneniwi shekilde dawalash usulliridin biridur. xoxa ösümlüki jigerning zeherlik maddilarni chiqirip tashlishigha yardem béridighan énzim ishlepchiqirishini ashuridu. köpligen tetqiqatlarda körsitilishche, xoxa ösümlüki jiger férméntini töwenlitidiken.

(eskertish: her qandaq tiptiki ösümlüklerni istémal qilishni bashlashtin burun, toluqlima dorilarni bixeter istémal qilish we siz ichiwatqan doriliringiz bilen birlikte ichkiningizde eks tesirining bar – yoqluqi toghrisida choqum doxturingizdin meslihet sorishingiz kérek.)

• oksidlinishqa qarshi turghuchi witamin C we witamin E ni istémal qiling

witamin E we witamin C ning her ikkilisi oksidlinishqa qarshi turghuchi bolup, jigerning saghlamliqini ilgiri sürüshke yardem béridu.

· heddidin ziyade shéker istémal qilishtin saqlining

imkaniyetning bariche jigerni ghidiqlighuchi maddilarni istémal qilishtin saqlining

zeherlik maddilarning ziyinigha uchrash (ximiyelik dorilarda, bezi dorilarda, hetta yémeklikingizde bolidu) jigerning iqtidarini ajizlashturup, jigerni may qaplap kétish tereqqiyatini tézlitiwétidu. zeherlik maddilardin saqlinishtin bashqa, «zehersizlinish usuli» arqiliq zeherlik maddilarni beden sistémingizdin chiqiriwétishqa tirishing.

• organik alma sirkesi

alma sirkesi jigerni heddidin ziyade map qaplap kétishni azaytip, oruqlitidu. u yene jigerni qoghdash xususiyitige ige bolup, jiger iqtidarining saghlam dawamlishishigha kapaletlik qilidu.

ilman sugha bir chay qoshuqi alma sirkesi arilashturup, künde ikki qétim iching.

• limon

yérim limonni bir istakan sugha siqip, künde ikki qétim bir nechche hepte iching. chünki limon jigerde yighilip qalghan mayni azaytishqa yardem béridu, bu arqiliq waqitning ötüshige egiship mayliq jiger késelliklirini tebiiy shekilde dawalap saqaytidu.

• yéshil chay

yéshil chay jiger iqtidarini yaxshilaydu. shundaqla bedendiki xoléstérinning miqdarini töwenlitidu, hemde jigerni heddidin ziyade map qaplap kétishini chekleydu. künige 2 istakan yéshil chay iching.

• zerchiwe

zerchiwe bedendiki maylarning hezim qilinishini yaxshilap, ularning jigerni qaplap kétishini toxtitidu. her küni bir istakan sütke bir chay qoshuqi zerchiwe qoshup iching.

• papaya (küli béhisi)

papaya jiger bimarliri üchün intayin paydiliqtur. uning uruqi we talasi yémeklik maylirining yallughlinishigha yardem bérip, ularning jigerni qaplap kétishining aldini alidu. papayaning uruqini ézip, su bilen arilashturup, her küni iching. yaki bir parche papaya méwisi istémal qiling.

• shéker qomushi sherbiti

her küni shéker  qomushi sherbiti istémal qilish jigerning iqtidarini yaxshilashqa we türlük jiger aghriqlirining aldini élishqa yardem béridu.